Saray Gawgawa 21:8 - Maung A Balita Biblia

⁸ Kaimbuas, sinmiput kami tan sinmabi kamid Cesarea. Akipundo kamid abung nen Felipe ya ibanghilista, sakey ed saramay pitoran lalaki ya apili ed Jerusalem.

Maung a Balita Biblia

⁸ Kaimbuas, sinmiput kami tan sinmabi kamid Cesarea. Akipundo kamid abung nen Felipe ya ibanghilista, sakey ed saramay pitoran lalaki ya apili ed Jerusalem.

Saray Gawgawa 21:8 Referans Kwoze

Saray Gawgawa 6:5

Makaliliket iran amin ed sayan kanunotan da ray apostol, kanyan pinili ray Esteban, sakey a lakin mabiskeg so pananisia to tan napnoy Ispiritu Santo, tan di Felipe, Procoro, Nicanor, Timon, Parmenas, tan Nicolas a taga Antioquia, sakey a Hintil a naayat ed Judaismo.

TAGA-EFESO 4:11

Sikatoy angiter na langkap ed saray totoo; wala ray tinoro ton magmaliw ya apostol, saray arum propita, saray arum ibanghilista, saray arum pastor tan bumabangat.

2 Timoteo 4:5

Balet nepeg a maadya ka lawas. Itepel mo ray kairapan ya onsabid sika. Gawam so kimey na sakey a managpulong na Maung a Balita, tan say amin a kimey na sakey a managlingkur na Dios.

Saray Gawgawa 28:16

Kasabi mid Roma, naabuloyay Pablo a manayam ed abung a bukbukor to, balet walay sakey a sondalon mambantay ed sikato.

Saray Gawgawa 16:13

Diad Agew na Panagpainawa, pinmaway kamid puirtay siudad, tan linma kamid gilig na ilog diad sakey a pasen ya abaloan min walay panagpikasiyan da ray Judio. Inmirung tan akitongtong kamid saray bibiin nantitipon diman.

Saray Gawgawa 16:10

Kasumpal to yan payawar, namparaan kamin tampol ya onlad Macedonia, lapud anggapoy duaruwa min tatawagen kamiy Dios a mampulong diman na Maung a Balita.

Saray Gawgawa 9:30

Nen naamtaan ya na saray agagi, inyakar dad Cesarea, insan da pinapawil ed Tarso.

Saray Gawgawa 28:11

Kalabas na taloy bulan, linmogan kamid sakey a barkon nampalabas met dimay ambetel a panaon. Nanlapud Alejandria yan barko, tan “Siping a Lalaki” so ngaran to.

Saray Gawgawa 27:1

Nen apaletan lay kanunotan a mambiahi kamid dayat ya onlad Italia, impalima ray Pablo tan pigaran priso ed kinen Julio, sakey ya opisyal na rihiminto na Roma a tatawagey “Rihiminto na Impirador.”

Saray Gawgawa 23:23

Anawag imay kapitan na duarad saray opisyal to tan inkuanto, “Iparaan yo ya onlad Cesarea so duan lasus a sondalo, a kaiba ray pitomplon akakabayo, tan duan lasus a managpika. Onla kayoy alas nuibi ed sayan labi.

Saray Gawgawa 20:13

Linmogan kamid barko tan binmaliw kamin onlad Assos a diman mi banaen si Pablo. Pasasamar diman, ta imbaga tod sikaran manakar ya onla.

Saray Gawgawa 20:6

Sikami balet, binmaliw kami manlapud Filipos kasumpal na Pistay Tinapay ya Anggapoy Libadura. Asabi mi rad Troas nen kumaliman agew, tan nanayam kamid man na sakey simba.

Saray Gawgawa 18:22

Nen sinmabid Cesarea, linmad Jerusalem tan angilugay ed saray kabyangay iglisiad man, insan tinmuloy ed Antiokia.

Saray Gawgawa 16:16

Aminsan ya agew, nen mamapaarap kamid pasen a panagpikasiyan, inabet kamiy sakey a biin aripen. Inaponan ya na maoges ya ispiritu, a mangiiter ed sikatoy pakayarin mamparles. Dakel so kuartan nanaalmo na saray amo to lapud panagparles to.

Saray Gawgawa 10:1

Diad Cesarea walay lakin manngaray Cornelio, sakey a kapitan da ray sondalod Roma a kabyangan iray tatawagen na “Kompanya Italiana.”

Saray Gawgawa 21:16

Akilad sikami ray pigaran disipulo a taga Cesarea. Inyakar da kamid kinen Mnason a taga Chipre tan abayag lan mananisia; diad abung toy tinuloyan mi.