Saray Gawgawa 21:31 - Maung A Balita Biblia

³¹ Pateyen da lawariy Pablo, balet impakabat dad kapitan da ray sondalo a walay golod intiron Jerusalem.

Maung a Balita Biblia

³¹ Pateyen da lawariy Pablo, balet impakabat dad kapitan da ray sondalo a walay golod intiron Jerusalem.

Saray Gawgawa 21:31 Referans Kwoze

Saray Gawgawa 17:5

Balet mangimon iray Judio, kanyan tinitipon da ray luko-lukon totoo ya akar-akar ed saray kalsada, tan nanggolo rad siudad. Nilooban day abung nen Jason, tan impasoot dan anapen ira di Pablo tan Silas, ta labay da ran iparontal ed saray totoo.

Saray Gawgawa 25:23

Kaimbuas, sinmabi ra di Agripa tan Bernice; amayamay iray sirimonyan pamagalang ed sikara. Linmoob irad kuarton panagsintinsiaan a kaiba da ray pangulo na saray sondalo tan saray matalonan totood siudad. Ingganggan nen Festo ya iyakar dad may Pablo.

Saray Gawgawa 24:22

Lapud si Felix et dakel so amta ton nipaakar ed Dalan, pinatonda to lay bista. Inkuanto, “Sano onsabi lay Lisias a kapitan so panumpal koy kaso yo.”

Saray Gawgawa 24:6

Murmuraen to ni lawariy Timplo, balet inerel mi.

Saray Gawgawa 23:17

Tinawag nen Pablo so sakey ya opisyal tan inkuanto, “Ibaan mo pa yan tobun-balo ya onlad kapitan, ta walay ibaga to.”

Saray Gawgawa 22:22

Anggad sayan bekta, onderengel iray totood kinen Pablo; balet kabebekta ginapoan day naneeyag-eyag. Inkuanda, “Papateyen itan a klasiy too! Ag to nepeg so mambilay!”

Saray Gawgawa 21:38

No ontan, aliwan sika sirin imay lakin taga Egipsio ya angigapoy laban tan angyakar ed kalawakan na apat a libon lalakin managpatey?”

Saray Gawgawa 19:40

Ta nayarin naakusa itayo, lapud golon agawad sayan agew. Anggapoy nibaraan o nirason tayo ed sayan golo.”

Saray Gawgawa 10:1

Diad Cesarea walay lakin manngaray Cornelio, sakey a kapitan da ray sondalod Roma a kabyangan iray tatawagen na “Kompanya Italiana.”

Juan 18:12

Si Jesus inerel tan binalur na saray guardian Judio tan saray sondalo diad panangipanguloy opisyal da.

Juan 16:2

Papawayen da kayod saray sinagoga. Onsabi ingey panaon a siopamay mamatey ed sikayo, ipasen ton manlilingkur ed Dios.

Marcos 14:2

Balet inkuanda, “Ag tayo pateyen legan na pista, ta ag la pigan manggolo ray totoo.”

Mateo 26:5

“Balet ag tayo pateyen legan na pista, ta ag la pigan manggolo ray totoo,” inkuanda.

1 Saray Arari 1:41

Nen nasusumpal lay Adonias tan saray bisita to a mansisilibra, nadngel day ingal. Nen nadngel nen Joab so trumpita, inkuanto, “Antoy kabaliksan na saman ya ingal ed siudad?”

Mateo 27:27

Si Jesus inyakar na saray sondalo nen Pilato ed palasioy gobirnador, tan minokut na sakey a batalyon na sondalo.

Saray Gawgawa 26:21

Lapud saya, inerel ak na saray Judio nen wala ak ed Timplo, tan pateyen da ak la lawari.