Saray Gawgawa 21:24 - Maung A Balita Biblia

²⁴ Mila kad sikara tan gawa yoy panaglinis ya onung ed Ganggan, tan ibayaran mo met ira, pian makapampapoklis ira. Diad ontan, nakabatay amin a totoo ya aliwan tuay nadngelan dan nipaakar ed sika, no ag ta susumpalen mo met manayay Ganggan nen Moises.

Maung a Balita Biblia

²⁴ Mila kad sikara tan gawa yoy panaglinis ya onung ed Ganggan, tan ibayaran mo met ira, pian makapampapoklis ira. Diad ontan, nakabatay amin a totoo ya aliwan tuay nadngelan dan nipaakar ed sika, no ag ta susumpalen mo met manayay Ganggan nen Moises.

Saray Gawgawa 21:24 Referans Kwoze

Saray Gawgawa 21:26

Nen ontombuk ya agew, inawit sirin nen Pablo ra may lalaki tan ginawa ray panaglinis ya onung ed Ganggan. Insan linmad Timplo tan impaamta to no kapigay kasumpal na niganan panaon na panaglinis, pian nisaklang so bagat a para balang sakey ed sikara.

Saray Gawgawa 24:18

Nibambana a nen gagawaen ko ya, asabian da ak ed Timplo, kasumpal kon nanlinis onung ed Ganggan. Anggapoy dakel a totoon wadman, tan anggapo met so agawan golo.

Saray Gawgawa 18:18

Nanayam ni na amayamay ya agew si Pablo ed Corinto, insan nampatanir ed saray agagid man. Nen sinmabid Cencrea, nampapoklis lapud walay sinambaan to. Insan binmaliw lan onlad Siria, a kaiba to ray sanasawan Priscila tan Aquila.

1 CORINTO 9:20

No kaibak iray Judio singa ak Judio, pian natanggoyur ko ra. Anggaman ya ag ak nasasakopay Ganggan nen Moises, pasasakop ak no kaibak iray nasasakopay Ganggan, pian natanggoyur ko ra.

Exodo 19:14

Insan linmeksab a nanlapud palandey si Moises tan imbaga tod saray totoo a mamparaan iran mangigalang ed Dios. Kanyan impesak da ray kawes da,

TAGA GALACIA 2:12

Ta kasakbayan a sinmabid man iray pigaran lalakin imbaki nen Santiago, mirorongoy Pedro ed saray Hintil. Balet nen sinmabi la ra, inarawian to ra tan ag la akirongod sikara, lapud antakot ed saray Judion Cristiano a say labay da et pasegat iray Hintil.

Juan 11:55

Magano lan onsabiy Paskua da ray Judio tan dakel iray taga bario a linmad Jerusalem kasakbayan na Paskua, pian manlinis ira onung ed Ganggan.

Juan 3:25

Aminsan akisangsangan iray pigaran disipulo nen Juan ed sakey a Judio, nipaakar ed panaglinis onung ed ganggan.

Say Libro nen Job 41:25

No ombalikwat natatakot iray anggan makapanyari; natalagnaw irad takot da.

Say Libro nen Job 1:5

Kapag nasumpal so ponsia, ombangon a masaksakbay ed ontombuk a kabwasan si Job tan mangisaklang na saray bagat a popoolan a panlinis ed saray anak to, onung ed ganggan. Lawas to yan gagawaen lapud iisipen to ya ompan sakey ed saray anak to so nankasalanan diad ag to ginagalan impansalita sumpad Dios.

Saray Huis 13:5

tan kapaway na anak mo ag mon balut popotutay buek to, lapud manlapud inkianak to sikatoy isaklang ed Dios a sakey a Nazareo. Igapo toy pangyagel tod saray Israelita ed lima da ray Filisteo.”

Saray Bilang 6:18

Diad lolooban na Tulda kiskisan na samay Nazareo so olo to insan to iyan so buek ed apoy a pakapopoolan na samay bagat a para kareenan.

Saray Bilang 6:13

No say sakey a too et mansamput lay panaon na impangisaklang toy sikaton dili a sakey a Nazareo, gawaen to yan sirimonya. Onla ed lolooban na Tulda

Saray Bilang 6:9

No adotakan so nisaklang a buek na sakey a Nazareo lapud biglan inatey so toon walad abay to, nepeg a manalagar na pitoran agew insan to pakiskisay olo to tan say balbas to; diad ontan magmaliw a malinis onung ed ganggan.

Saray Bilang 6:5

Legan a sikatoy Nazareo, nepeg ya ag mampakatli odino mambalbas. Diad intiron panaon na inkisaklang tod Katawan nepeg a masanto, tan padokeyen toy buek tan balbas to.

Exodo 19:10

et say Katawan kuantod sikato, “Laka, ta ibagam ed saray totoo a diad sayan agew tan nabwas et mamparaan iran mangigalang ed siak: linisan day sikaran dili tan ipesak da ray kawes da.