Saray Gawgawa 21:16 - Maung A Balita Biblia

¹⁶ Akilad sikami ray pigaran disipulo a taga Cesarea. Inyakar da kamid kinen Mnason a taga Chipre tan abayag lan mananisia; diad abung toy tinuloyan mi.

Maung a Balita Biblia

¹⁶ Akilad sikami ray pigaran disipulo a taga Cesarea. Inyakar da kamid kinen Mnason a taga Chipre tan abayag lan mananisia; diad abung toy tinuloyan mi.

Saray Gawgawa 21:16 Referans Kwoze

Probirbio 16:31

Say andokey a bilay et sikatoy tumang na saray totoon matonung; mapagalang a korona so ampotin buek.

Saray Gawgawa 21:8

Kaimbuas, sinmiput kami tan sinmabi kamid Cesarea. Akipundo kamid abung nen Felipe ya ibanghilista, sakey ed saramay pitoran lalaki ya apili ed Jerusalem.

Saray Salmo 92:14

mambubunga ni ra, anggan matakken la ra; lawas mabisbiskeg tan mabona-bona ra.

Filemon 1:9

Balet say aro so anagdag ed siak a mikasid sika. Gagawaen koy onya, anggaman siak si Pablo, say ibabaki nen Cristo Jesus, tan natan apriso lapud sikato.

Saray Taga Roma 16:7

tan kindi Andronico tan Junia a kadalaan ko ra tan kaibak irad prisowan; bantug irad saray apostol tan akaona ran nagmaliw a Cristiano nen say siak.

Saray Gawgawa 15:39

Ampetang so impansangsangan da, kanyan nansian iran dua. Intagar nen Bernabe si Marcos tan binmaliw iran linmad Chipre.

Saray Gawgawa 11:19

Nikaykayat iray mananisia lapud pamapairap dad sikara, a ginmapo nen pinatey day Esteban. Wala ray akasabin anggad Fenicia, Chipre, tan Antiokia, tan impupulong day salitay Dios ed saray Judio labat.

Saray Gawgawa 10:48

Ingganggan to sirin a binyagan irad ngaran nen Jesu-Cristo. Kasumpal to ya, kinerew dan manayam nid may Pedro na pigaran agew.

Saray Gawgawa 10:24

Kalabas na sakey agew, sinmabi rad Cesarea. Manaalagar lay Cornelio ed sikara, ontan met na saray kakanayon tan pinablin kakaaro to ya inimbitaan to.

Saray Gawgawa 8:40

Si Felipe, balet, naimano ton wala lad Azoto. Manlapud man impupulong toy Maung a Balita ed amin a baley a dinadalan to, anggad sinmabi ed Cesarea.

Saray Gawgawa 4:36

Onyay ginawa nen Jose, sakey a Levitan taga Chipre, tan nginaranan na saray apostol na Bernabe (a say labay ton ibaga, “Managpabiskeg na Linawa”).

Saray Gawgawa 15:7

Kayariy andokey a sangsangan, inmalagey si Pedro tan inkuanto, “Agagik ira, kabat yo a diad simpuk tayo, say Dios pinili to ak nen saman a mampulong ed saray Hintil na Maung a Balita, pian narengel da tan manisia ra.