Saray Gawgawa 2:38 - Maung A Balita Biblia

³⁸ Inmebat si Pedro ed sikara, “Magbabawi kayod saray kasalanan yo, tan mampabinyag kayod ngaran nen Jesu-Cristo, et diad ontan, napirdona ray kasalanan yo. Awaten yo met ed satan so Ispiritu Santo a panangaroy Dios.

Maung a Balita Biblia

³⁸ Inmebat si Pedro ed sikara, Magbabawi kayod saray kasalanan yo, tan mampabinyag kayod ngaran nen Jesu-Cristo, et diad ontan, napirdona ray kasalanan yo. Awaten yo met ed satan so Ispiritu Santo a panangaroy Dios.

Saray Gawgawa 2:38 Referans Kwoze

Saray Gawgawa 22:16

Natan sirin, ag ka la mantatayam-tayam. Alagey ka tan pabinyagan ka, tan paorasan mo ray kasalanan mo diad panamegley na itawag mod ngaran to.’”

Marcos 16:16

Siopamay manisia tan nabinyagan, nilaban; siopamay ag manisia, nadusa.

Saray Gawgawa 8:12

Balet nen impupulong nen Felipe so Maung a Balitan nipaakar ed Panariay Dios tan say ngaran nen Jesu-Cristo, anisia ra tan nampapabinyag ira, bii man o laki.

Lucas 24:47

tan diad ngaran to, say pagbabawi tan say kapirdona na saray kasalanan et nepeg a nipulong ed amin a bansa, manlapud Jerusalem.

1 Pedro 3:21

Sayan danum aliling toy binyag a mangilaban ed sikayo natan. Say binyag et aliwan panlinis na dotak na laman, no ag ingen say sipan ed Dios a nanlapud sakey a malinis a konsinsia. Ilaban kayoy binyag diad panamegley na inkiolid bilay nen Jesu-Cristo,

Saray Gawgawa 10:48

Ingganggan to sirin a binyagan irad ngaran nen Jesu-Cristo. Kasumpal to ya, kinerew dan manayam nid may Pedro na pigaran agew.

Saray Gawgawa 3:19

Kanyan magbabawi kayo la tan pawil kayo lad Dios, pian naponas iray kasalanan yo,

Saray Taga Roma 6:3

Ag yo ta amtan amin tayo ya abinyagan ya akikasakey ed Cristo Jesus et akikasakey tayod impatey to diad panamegley na sayan binyag?

Mateo 4:17

Nanlapud saman, ginapoan nen Jesus so nampupulong. Inkuanto, “Pansibkelan yo la ray kasalanan yo, ta asingger lay Panarian na tawen!”

Mateo 3:2

Inkuanto, “Magbabawi kayod saray kasalanan yo, ta asingger lay Panariay tawen!”

Saray Gawgawa 17:30

Pinaolyay Dios iray panaon na anggapoy pikakabat na saray totoo ed sikato, balet natan igaganggan to ran amin diad inerman a pasen a mampatauli la ra.

Saray Gawgawa 20:21

Impupulong kod saray Judio tan saray Hintil a nepeg day mampataulid saray kasalanan da, ompawil irad Dios, tan manisia rad Katawan a Jesu-Cristo.

Saray Gawgawa 26:20

Nampupulong ak ya onona diad Damasco, insan diad Jerusalem tan diad intiron dalin na Judea, ontan met a diad saray Hintil. Impupulong kon nepeg day mampataulid saray kasalanan da tan ompawil irad Dios, tan ipanengneng day pampatauli ra diad panamegley na saray gawa.

Mateo 28:19

Kanyan, laka yod saray katoowan ed amin a bansa tan gawa yo ran disipulok. Binyagan yo ra diad ngaray Ama tan diad Anak tan diad Ispiritu Santo,

Saray Gawgawa 26:18

Ibaki ta kad sarayan totoo a mangilokas na saray mata ra, mamaasingger ed sikarad liwawa manlapud bilonget, mamaasingger ed sikarad Dios manlapud pakayari nen Satanas! Diad panamegley na pananisia rad siak, napirdona ray kasalanan da tan makapibiang irad saray totoon piniliy Dios!’”

Tito 3:5

inlaban to itayo. Nilaban itayo, aliwan lapud saray ginagawa tayon kamaungan, no ag ingen lapud panangasi to, diad panamegley na panangoras a mangipanengneng a say Ispiritu Santo initdan to itayoy balon inkatoo tan balon bilay.

Marcos 1:15

Inkuanto, “Sinmabi la so nigetar a panaon tan asingger lay Panarian na Dios! Pansibkelan yo la ray kasalanan yo, tan manisia kayo lad Maung a Balita!”

Saray Gawgawa 16:15

Nampabinyag si Lydia tan say intiron pamilya to. Insan to kami inimbitaan ya inkuanto, “Diman ki la mipundod abung ko, no ipapasen yo ak a matoor ed Katawan.” Mapilit so impangimbita to, kanyan linma kami.

Saray Gawgawa 8:20

Balet inmebat si Pedro, “Naderal ka komun tan say kuartam, ta abaloan mon nasaliw na kuarta so panangaroy Dios!

Saray Gawgawa 5:31

Intanduroy Dios ed nikawanan to tan ginawa ton Pangulo tan Manangilaban a mangiter ed saray totood Israel na pankanawnawa ran mampatauli tan mangibeneg ed saray kasalanan da, pian napirdona ra.

Zacarias 12:10

“Panoen ko na ispiritu na panangasi tan ispiritu na pikakasi iray kabyangay boleg nen David tan saray arum a totoo ed Jerusalem. Onnengeng irad sakey a dinoyuk da, tan ermenan da a singa ra saray maneermen ed saksakey ya anak. Mapalaloy panermen da a singa ra saray maneermen ed impatey na panguloan ya anak a laki.

Isaias 59:21

Saya so pisisipanan kod sikayo: Initdan ta kayo na pakayarik tan inyawat ko ray bangat kod sikayo a kayaryanen yo ra ed anggad angga; et manlapud natan ya anggad angga nepeg ya onuren yo ak tan ibangat yo ray anak yo tan saray kabyangay boleg yo ya onuren da ak.”

Isaias 32:15

Balet maminsan nin ibaki na Dios ed sikatayo so ispiritu to. Magmaliw a mataban dalin so kalawakan, tan mangiter na marakep a bunga iray kaalogan.

Ezekiel 39:29

Ikalbok ed saray totood Israel so ispirituk tan ag ko la ran balut ikaindan. Siak a Katawan a Dios so nansalita.”

Isaias 59:20

Say Katawan kuantod saray totoo to, “Onla ak ed Jerusalem a mangyagel tan mangilaban ed amin yon angibeneg ed saray kasalanan yo.

Mateo 3:6

Impapatwa ray kasalanan da, tan binibinyagan to rad Ilog na Jordan.

Lucas 3:10

Tinepet na saray totood sikato, “Antoy nepeg min gawaen sirin?”

Saray Gawgawa 10:43

Amin da ray propita nansalita ra nipaakar ed sikato, tan inkuandan siopamay manisiad sikato et napirdona ray kasalanan to diad panamegley na ngaran to nen Jesus.”

Saray Gawgawa 13:38

Nepeg yon kabaten, agagik ira, a nipupulong ed sikayoy pakapirdonay kasalanan, diad panamegley nen Jesus.

TAGA-EFESO 1:7

Arondon itayo la diad panamegley na dala nen Cristo tan diad ontan, apirdona la ray kasalanan tayo. Agaylay kabaleg na panangaroy Dios,