Saray Gawgawa 2:37 - Maung A Balita Biblia

³⁷ Nen nadngel ya na saray totoo, agunigon ira, tan tinepet dad kinen Pedro tan saray arum ya apostol, “Agagi, antoy nepeg min gawaen?”

Maung a Balita Biblia

³⁷ Nen nadngel ya na saray totoo, agunigon ira, tan tinepet dad kinen Pedro tan saray arum ya apostol, Agagi, antoy nepeg min gawaen?

Saray Gawgawa 2:37 Referans Kwoze

Lucas 3:10

Tinepet na saray totood sikato, “Antoy nepeg min gawaen sirin?”

Saray Gawgawa 22:10

Tinepet ko, ‘Antoy nepeg kon gawaen, Katawan?’ Inkuanto, ‘Alagey ka, tan lakad Damasco, ta diman nibagad sikay amin a niganan gawaen mo.’

Lucas 3:14

Wala met iray sondalon nantepet, “Sikami met ey? Antoy nepeg min gawaen?” Inmebat ed sikara, “Ag kayo mimialay kuartad siopaman diad pamasoot o pangakusad sikato. Pasarag yoy suildo yo.”

Lucas 3:12

Wala ray sumisingil na buis a linman pabinyagan ed sikato. Tinepet da, “Maistro, antoy nepeg min gawaen?”

Juan 8:9

Nen nadngel da ya, tinmaynan iran sansakey, manlapud sankamasikenan ed sikara. Atilak a bukor si Jesus tan samay bii a wadman nin manalalagey ed arap nen Jesus.

Ezekiel 7:16

Wala ray ombatik ed kapalandeyan tan singa ra malapatin ataktakot a nanlapud saray patar. Amin da pandageyeman da ray kasalanan da.

Saray Taga Roma 7:9

Nen saman nambilay ak ya ag nasasakopay ganggan; balet nen akabatan koy ganggan, abilay so kasalanan

Saray Gawgawa 7:54

Nen nadngel na saray kabyangay Sanidrin ira yan balikas nen Esteban manngilet irad petang na olo rad sikato.

Saray Gawgawa 5:33

Nen nadngel ya na saray kabyangay Sanidrin, agaylay pasnuk da, kanyan ninunot dan pateyen ira may apostol.

Zacarias 12:10

“Panoen ko na ispiritu na panangasi tan ispiritu na pikakasi iray kabyangay boleg nen David tan saray arum a totoo ed Jerusalem. Onnengeng irad sakey a dinoyuk da, tan ermenan da a singa ra saray maneermen ed saksakey ya anak. Mapalaloy panermen da a singa ra saray maneermen ed impatey na panguloan ya anak a laki.

Saray Gawgawa 1:16

“Agagik, nakaukolan a nasumpal so walad Masantod Sulat ya imbaga na Ispiritu Santo, diad panamegley nen David, nipaakar ed kinen Judas ya angipangulo ed saray angerel ed kinen Jesus.

Saray Salmo 73:21

Nen agoloy isip ko, tan apasakitay liknaan ko,

Ecclesiastes 12:11

Saray balikas da ray makabat a totoo et singa ra maotuk a baston da ray pumapastol ya ikakana rad panangiwanwan ed saray karniro. Saray atipon a probirbio et mansiansia ran singa saray malmalet a nipanek a pasak. Say Dios a Pumapastol ed sikatayon amin so angiter na sarayan probirbio.

Isaias 21:12

Ebat ko, “Onkakabwasan la, balet onsabi lamet so labi. No labay mo lamet so ontepet, pawil ka dian ontepet.”