Saray Gawgawa 2:30 - Maung A Balita Biblia

³⁰ Si David sakey a propita tan amta toy sipan na Dios ed sikato. Insipay Dios a pagmaliwen ton ari a singa si David so sakey ed saray kabyangay boleg to.

Maung a Balita Biblia

³⁰ Si David sakey a propita tan amta toy sipan na Dios ed sikato. Insipay Dios a pagmaliwen ton ari a singa si David so sakey ed saray kabyangay boleg to.

Saray Gawgawa 2:30 Referans Kwoze

2 Samuel 23:2

Say ispiritu na Katawan misasalita ed panamegley ko; walad dilak iray salita to.

2 Pedro 1:21

Ta anggapon balut so propisiyan nanlapud linaway too, no ag ingen diad impanpulong na saray totoo na salitay Dios, say Ispiritu Santo so angiwanwan ed sikara.

2 Timoteo 2:8

Nunot moy Jesu-Cristo a pinaolid bilay tan nanlapud boleg nen David, onung na ibabagay Maung a Balitan ipupulong ko.

Saray Taga Roma 1:3

et nipaakar ed Anak na Dios a si Jesu-Cristo a Katawan tayo. No nipaakar ed inkatoo to, sikatoy nianak a kabyangay boleg nen David;

Marcos 12:36

Pinuyanan na Ispiritu Santo si David a nankuan: ‘Say Katawan inkuantod Katawan ko: Yorung ka ed nikawanan ko, anggad napasukok ed sika iray kalaban mo.’

Puyan 19:16

Akasulat ed kawes tan ulpo to so ngaran ya, “Ari da ray arari, tan Katawan da ray kakatawan.”

Puyan 17:14

Labanan da may Kordiro balet taloen to ra, ta sikatoy Katawan da ray kakatawan tan Ari da ray arari. Saray atawag, apili, tan matoor a mananombuk to so kakaiba ton manalo.”

Saray Hebreo 7:21

Ag nansambay Dios nen ginawa ton pari ray arum, balet nansamba nen ginawa ton pari si Jesus. Onung na ibabagay Masanton Sulat, “Say Katawan sinambaan to tan ag to benegan: ‘Pari kan anggad angga.’”

Saray Hebreo 6:17

Ontan met, pinaletay Dios so sipan to diad impansamba to, pian nipanengneng tod saray angisipanan to ya ag mansalat so getma to.

Saray Hebreo 4:7

kanyan inggana toy sakey nin agew a tatawagey “Natan.” Kayariy abaybayag a panaon, inkuantod panamegley nen David diad samay partiy Masanton Sulat ya asalita la, “No narengel yo natay bosis na Dios, ag yo papaawetey olo yo.”

Saray Hebreo 3:7

Kanyan onung na ibabagay Ispiritu Santo: “No narengel yo natay bosis na Dios,

Saray Taga Roma 15:12

Ibabaga met ni nen Isaias, “Onsabi so kabyangay boleg nen Jesse, ontalindeg a manoley ed saray Hintil, tan manilalo rad sikato.”

Saray Gawgawa 1:16

“Agagik, nakaukolan a nasumpal so walad Masantod Sulat ya imbaga na Ispiritu Santo, diad panamegley nen David, nipaakar ed kinen Judas ya angipangulo ed saray angerel ed kinen Jesus.

Lucas 24:44

Insan inkuantod sikara, “Sikara yay sinalitak ed sikayo nen kaibiba ta kayo ni. Imbagak ed sikayon nepeg a nasumpal ya amin iray nisulat nipaakar ed siak diad Ganggan nen Moises, diad saray sulat da ray propita, tan diad saray Salmo.”

Mateo 27:35

Impasak dad krus tan, kayari ran nampapalaranan iray kawes to, inapag da.

Mateo 22:43

Tinepet nen Jesus, “Akin sirin et si David, nen pinuyanan na Ispiritu, et tinawag toy ‘Katawan’ so Cristo? Ta inkuanen David,

Mikias 5:2

Say Katawan kuanto, “Betlehem Efrata, sakey ka ed saray ankekelag a baley na Juda, balet sika so panlapwan na sakey a manoley ed Israel, a say sengeg na pamilya to et natonton ed saray inmona-ona ran panaon.”

Isaias 7:14

Natan, say Katawan itdan to ka na sakey a tanda: walay sakey a marikit a malokun tan mananak na sakey a laki tan ngaranan to na Emmanuel.

Jeremias 30:9

Manlingkur ira ingen ed siak, say Katawan a Dios da, tan diad kabyangay boleg nen David ya iter kon manarid sikara.

Saray Hebreo 1:1

Nen saman, nansalitay Dios ed saray lalaki tayo diad panamegley da ray propita. Amimpiga-piga to yan ginagawa, tan diad nandoroman pamaakaran.