Saray Gawgawa 2:21 - Maung A Balita Biblia

²¹ Tan nilaban so siopaman ya ontawag ed ngaray Katawan.’

Maung a Balita Biblia

²¹ Tan nilaban so siopaman ya ontawag ed ngaray Katawan.

Saray Gawgawa 2:21 Referans Kwoze

Joel 2:32

Balet nilaban ya amin iray onkerew na tulong ed Katawan. Onung na inkuay Katawan, ‘Saray pigaran totood Jerusalem et makabatik ira; makapaliis ed patey iray pilien ko.’”

Saray Salmo 86:5

Katawan, maung tan manamirdona ka, napno kay ag mangoman a panangaro ed amin da ray mampipikasid sika.

Saray Gawgawa 22:16

Natan sirin, ag ka la mantatayam-tayam. Alagey ka tan pabinyagan ka, tan paorasan mo ray kasalanan mo diad panamegley na itawag mod ngaran to.’”

Saray Hebreo 4:16

Kanyan pakpelen tayoy linawa tayo ya onsingger ed tronoy mapangasin Dios, pian naawat tayoy panangasi tan baleg a panangaroy Dios; sikara yay ontulong ed sikatayo no oras na pankaukolan.

1 CORINTO 1:2

Diad iglisia na Dios a walad Corinto, diad amin da ray tinawag na Dios a magmaliw a masanton totoo to, diad panamegley na pikakasakey ed Cristo Jesus, ontan met a diad saray amin a totood inerman a pasen, saray ontatawag ed ngaran na Katawan dan Jesu-Cristo a Katawan tayo met:

Mateo 28:19

Kanyan, laka yod saray katoowan ed amin a bansa tan gawa yo ran disipulok. Binyagan yo ra diad ngaray Ama tan diad Anak tan diad Ispiritu Santo,

Saray Gawgawa 9:15

Balet inkuan na Katawan ed sikato, “Laka la, ta sikatoy pinilik a manlingkur ed siak. Sikatoy mangipaamtay ngaran ko ed saray Hintil, saray arari, tan saray totood Israel.

Saray Gawgawa 9:11

Intuloy na Katawan ya inkuan, “Lakad kinen Judas a say abung to et walad kalyin tatawagey Maptek, tan tepet mo so sakey a lakin taga Tarso a manngaray Saulo. Mampipikasi ed sayan oras.

Saray Gawgawa 2:20

ombilonget so agew, tan ombalangan singa dala so bulan, kasakbayan ya onsabiy Agew matalona tan mablin Agew na Katawan.