Saray Gawgawa 19:26 - Maung A Balita Biblia

²⁶ Nanenengneng tan narerengel yo met so gagawaen to man a Pablo. Ibabaga ton saray diriyos a gagawaey totoo et aliwa ran tuan diriyos. Amayamay la ray apanisia to, diad Efeso tan diad ngalngali intiron Asia.

Maung a Balita Biblia

²⁶ Nanenengneng tan narerengel yo met so gagawaen to man a Pablo. Ibabaga ton saray diriyos a gagawaey totoo et aliwa ran tuan diriyos. Amayamay la ray apanisia to, diad Efeso tan diad ngalngali intiron Asia.

Saray Gawgawa 19:26 Referans Kwoze

1 CORINTO 8:4

Kanyan nipaakar ed pangay kakanen a nibagat ed saray talintaoy diriyos: amta tayon anggapoy kabaliksan na talintaoy dios; kabat tayon saksakey labat so Dios.

Saray Gawgawa 17:29

Lapud anak itayo met na Dios, ag tayo komun ipasen a say Dios et singa talintaon balituk, pilak, o baton ginaway lima tan kakabatan na too.

Puyan 9:20

Saray totoon atilak ed dinmalan iran salot et ag da binenegan iray ginagawa ran dili. Ag da tinondaay mangigalang ed saray dimonyo tan saray talintaoy diriyos a ginagaway lima ra—saray talintaon balituk, pilak, tanso, bato, tan kiew ya ag makanengneng, makadngel, o makaakar.

Saray Gawgawa 19:10

Duay taon yan ginawa to, kanyan amin a manaayam ed Asia, Judio o Grigo man ira, nadngel day salitay Katawan.

Saray Gawgawa 14:15

“Sikayon totoo, akin et gagawaen yo ya? Totoo kami met a kapara yo! Impupulong mid sikayoy Maung a Balita, pian nalingwanan yo la ra yan andi-kakanaan a bengatla tan ondago ki lad mabilay a Dios ya amalsay tawen, dalin, tan dayat, tan amin a logan da ra ya.

Deuteronomio 4:28

Manlingkur kayod man ed saray diriyos a ginagawa na lima, saray diriyos a kiew tan bato, saray diriyos ya ag makanengneng o makadngel tan ag da nayariay mangan o onangub.

1 TESALONICA 1:9

Sikara lan diliy mangibabalita no panoy impangawat yod sikami, tan no panoy impangibeneg yod panaglingkur ed saray talintaoy diriyos, pian makapanlingkur kayod tua tan mabilay a Dios.

TAGA GALACIA 4:8

Nen ag yo ni kabat so Dios, aripen kayo ni na saray aliwan diriyos.

1 CORINTO 12:2

Amta yo a nen aliwa ki nin mananisia, tinmotombuk kayod saray ag makasalitan talintaoy diriyos a lawas angibabalang ed sikayo.

Jeremias 10:11

Sikayo ran totoo nepeg yon ibagad sikara a saray diriyos ya ag da ginawa so tawen tan dalin, et naderal ira. Naandi ra ed anggan iner a pasen diad tapew na dalin.)

Saray Gawgawa 18:19

Kasabi rad Efeso, tinaynan nen Pablo ra may duara, ta linmoob ed sinagoga tan akipalinewan ed saray Judio.

Oseas 8:6

Sakey a platiron taga Israel so nanggawa na talintao, et aliwa ni lamlamang a dios imay ginawa to! Namisimisi imay bakan balituk a gagalangen ed Samaria!

Saray Gawgawa 19:1

Leleg a walad Corinto si Apolos, dinmalan si Pablo ed saray nipokdul a pasen tan sinmabid Efeso. Wala ray nalmo tod man a pigaran disipulo,

Saray Gawgawa 19:25

Tinipon to ray kumikimey to tan saray arum met a platiro. Inkuanto, “Kakaibak ira, amta yon manlalapud sayan anapan so iyayaman tayo.