Saray Gawgawa 19:18 - Maung A Balita Biblia

¹⁸ Amayamay ed saray mananisia so dinmadago, binibirbir tan impapatwa rad karaklan so ginagawa ra.

Maung a Balita Biblia

¹⁸ Amayamay ed saray mananisia so dinmadago, binibirbir tan impapatwa rad karaklan so ginagawa ra.

Saray Gawgawa 19:18 Referans Kwoze

Saray Taga Roma 10:10

Ta diad panisiay too ed panamegley na puso to, napaandi so kasalanan tod arap na Dios tan diad pangibawag na too ed panamegley na sangi to, nilaban.

Mateo 3:6

Impapatwa ray kasalanan da, tan binibinyagan to rad Ilog na Jordan.

Saray Salmo 32:5

Insan impatwak iray kasalanan kod sika; ag ko inyamut iray maoges a ginagawak. Ginetmak ya ipatwak irad sika, et pinirdonam ya amin iray kasalanan ko.

1 Juan 1:9

Balet no ipatwa tayod Dios iray kasalanan tayo, pirdonaen to ray kasalanan tayo tan gawaen to itayon malinis diad pangekal to ray amin a kaogsan ed bilay tayo, lapud sikato et matoor tan matonung.

Ezekiel 36:31

Nanunotan yod satan ira may maoges a ginagawa yo tan saray makapoy a kagagawa yo, et diad ontan kabosulen yoy sikayon dili lapud saray kasalanan yo tan saray kaogsan yo.

Ezekiel 16:63

Pirdonaen kon amin iray gawam a maoges, balet nanunotan mo ra tan diad mapalalon kababaingan mo ag mo nabiswat so sangim.” Say Katawan a Dios ta so nansalita.

Jeremias 3:13

Birbir mo labat a nankasalanan ka, tan sinmumpa ka ed Katawan a Dios mo. Ipatwam a diad silong na balang mabonan kiew, inter moy panangarom ed diriyos da ray arum a bansa, tan ag mo inonur iray ganggan ko. Siak, say Katawan, so nansalita.

Probirbio 28:13

Ag ka onaligwas ed bilay no iyamut mo ray kasalanan mo, balet no ipatwam ira tan ibeneg mo la ra, kasian ka na Dios.

Levitico 26:40

“Balet saray kabyangay boleg yo ipatua da ray kasalanan da tan saray kasalanan da ray lalaki ra ya anumlang tan linmaban ed siak,

Levitico 16:21

Itapew ton duay lima to ed olo na samay kanding tan ipatua to dia iray amin a kaogsan, kasalanan, tan kasusumlang na saray totood Israel. Diad onya, niyalis to ra ya ed olo na samay kanding. Samay kanding et ibolus ed kalawakan na sakey a lakin apilin manggawa ed saya.

Saray Gawgawa 19:17

Abalitaan ya na amin da ray Judio tan Hintil a manaayam ed Efeso. Asabian iran amin a balbaleg a takot, tan lalon apagalangan so ngaran nen Jesus a Katawan.

Saray Gawgawa 19:19

Impantitipon met na saray salamangkiro so liblibro ra tan pinopoolan da ra a sankanengneng na amin a totoo. Nen kuintaen da no kaonungay bili na amin da ra may libro, sakey a limamplon libo a pilak.

Santiago 5:16

Kanyan mampapatwaan kayo ray kasalanan yo, tan mampipikasiyan kayo, pian onabig kayo. Dakel so nagawaay pikakasi na toon matonung.