Saray Gawgawa 18:9 - Maung A Balita Biblia

⁹ Aminsan a labi, pinmayawar so Katawan ed kinen Pablo tan inkuanto, “Ag ka natatakot, Pablo! Ituloy moy pampupulong mo. Ag ka ontotonda,

Maung a Balita Biblia

⁹ Aminsan a labi, pinmayawar so Katawan ed kinen Pablo tan inkuanto, Ag ka natatakot, Pablo! Ituloy moy pampupulong mo. Ag ka ontotonda,

Saray Gawgawa 18:9 Referans Kwoze

Saray Gawgawa 23:11

Nen ontombuk a labi, nanalagey so Katawan ed abay nen Pablo tan inkuanto, “Pabiskeg moy linawam! Tinasian mo ak diad Jerusalem. Nepeg mo met yan gawaen diad Roma.”

Saray Gawgawa 16:9

Diad labi, walay pinmayawar ed kinen Pablo. Anengneng toy sakey a lakin taga Macedonia, a manalalagey tan mikakasid sikato, “Gala dia karid Macedonia, ta tulongan mo kami.”

1 TESALONICA 2:2

Amta yon pinapabaingan tan pinapairap da kamid Filipos. Balet anggaman a dakel so makasbel, pinabiskeg na Dios so linawa mi a mangipulong na Maung a Balitan nanlapud sikato.

Mikias 3:8

Balet para siak, say Katawan papanoen to ak na ispiritu to tan say pakayari to. Iitdan to ak na ispiritu na katunongan tan say biskeg na linawan mangibagad saray totood Israel na saray kasalanan da.

Jeremias 1:17

Mamparaan ka, Jeremias; laka, ta ibagam ed sikaray amin ya ingganggan kod sikan salitaen mo. Ag ka la natan ontatakot ed sikara; ta no andi, pagmaliwen ta kan lalon ontakot no wadman ka lad sikara.

Jonas 3:2

Inkuanto, “Lakad Ninive, say baleg a siudad, ta ibagam ed saray totood man so sinalitak ed sika.”

Isaias 58:1

Say Katawan kuanto, “Eyag kayod anggaay nayarian yo! Ibaga yod saray totook ya Israelita iray kasalanan da!

Saray Gawgawa 22:18

Anengneng koy Katawan tan inkuantod siak, ‘Aporam! Taynan kan tampol ed Jerusalem, ta ag awaten na saray totoo dia so pantatasim ed siak!’

Saray Gawgawa 9:10

Diad Damasco, walay sakey a disipulon manngaray Ananias. Pinmayawar ed sikatoy Katawan tan inkuanto, “Ananias!” “Wadya ak, Katawan,” ebat to.

Saray Gawgawa 18:10

ta iibaan ta ka. Anggapoy maniwit ed sika, ta amayamay iray totook ed sayan siudad.”

1 CORINTO 9:1

Aliwa ak ta a toon bolus? Aliwa ak ta ya apostol? Ag ko ta anengneng si Jesus a Katawan tayo? Aliwa kasin sikayo ray bungay panlilingkur kod Katawan?

Saray Tagleey 3:57

Inebatan mo ak tan imbagam ed siak ya ag ak ontakot.