Saray Gawgawa 18:25 - Maung A Balita Biblia

²⁵ Abangatan na nipaakar ed Dalan na Katawan si Apolos, tan makoli-kolin nampupulong tan nambabangat na katwaan a nipaakar ed kinen Jesus. Balet say amta to labat a binyag et say binyag nen Juan.

Maung a Balita Biblia

²⁵ Abangatan na nipaakar ed Dalan na Katawan si Apolos, tan makoli-kolin nampupulong tan nambabangat na katwaan a nipaakar ed kinen Jesus. Balet say amta to labat a binyag et say binyag nen Juan.

Saray Gawgawa 18:25 Referans Kwoze

Saray Gawgawa 19:3

Tinepet nen Pablo, “Anton binyag so aminyagan ed sikayo sirin?” “Say binyag nen Juan,” ebat da.

Saray Taga Roma 12:11

Mankoli kayo tan ag kayo onngingiras. Ipapuso yoy panaglingkur yod Katawan.

Oseas 14:9

Talusan komun na saray makabat iray nisulat dia, tan dalepdepen dad puso ra. Maptek iray dalan na Katawan, tan pankukurangan ira na saray matonung a totoo, balet katutumbaan na saray makasalanan lapud ipopolisay da ra.

Saray Gawgawa 19:23

Diad sayan panaon agaway baleg a golo ed Efeso lapud Dalan na Katawan.

Saray Gawgawa 19:9

Balet wala ray anawet so olo ra. Anta ag la ra anisia, pinapaoges da nid arap na amin a totoon wadman so Dalan na Katawan. Kanyan tinaynan ira nen Pablo tan intagar to ray mananisia, tan diad panagbangatan la nen Tirano so nampapaliwawaan ton inagew-agew.

Saray Gawgawa 9:2

tan kinmerew na saray sulat a para saray sinagogad Damasco, pian no makalmod man na saray mananombuk ed Dalan et naerel to ra—bibii man o lalaki—tan niakar to rad Jerusalem.

Marcos 12:14

Inmasingger irad kinen Jesus tan kuanda, “Maistro, kabat min tua ya amin so ibabagam. Aliwa kan manangibiig, ta nampaparay pangipapasen mod amin a totoo. Ibabangat mo ray totoo no antoy linawa na Dios nipaakar ed sikara. Ibagam pad sikami, sumpad Ganggan kasi so pambayar na buis ed Impirador na Roma? Mambayar kamiy buis odino andi?”

Santiago 5:16

Kanyan mampapatwaan kayo ray kasalanan yo, tan mampipikasiyan kayo, pian onabig kayo. Dakel so nagawaay pikakasi na toon matonung.

2 Timoteo 2:4

Nakaukolan a say sondalon manlilingkur manggaway bengatlan panliketay opisyal to. Kanyan ag to nepeg so mibabalid bengatlan aliwan matokuy ed inkasondalo to.

Saray Gawgawa 16:17

Tinotombuk toy Pablo tan sikami, tan iniingal-ingal to, “Sarayan totoo aripen iray Sankatageyan a Dios! Ibabawag dad sikayo so dalan na kilalaban!”

Saray Gawgawa 13:10

tan inkuanto, “Sika ya anak na Diablo! Kalaban moy amin a kamaungan, tan napno kay amin a panamalingo tan kaogsan! Akin et pipikeweten mo ray katwaan a nipaakar ed Katawan?

Lucas 7:29

Dinengel na amin ya ombaley si Jesus, pati saray sumisingil na buis. Sikaray amirbir a matonung so Dios nen nampabinyag irad kinen Juan.

Marcos 1:3

Walay toon mambabandod kalawakan, ‘Iparaan yoy dalan na Katawan tan apiger yoy panakaran to!’”

Jeremias 6:16

Inkuan na Katawan ed saray totoo to, “Manalagey kayod nansasangaan na dalan, tan nengneng kayo; tepet yo no iner so kawalaan da ray dagdaan a dalan tan no iner so kawalaay sankamaungan a dalan. Dalan kayod saya, et nagamuran yoy kareenan.” Balet inkuanda, “Ag kami ondalan ed satan!”

Isaias 40:3

Sakey a bosis so mankelyaw, “Iparaan yod kalawakan so sakey a dalan a para Katawan! Linisan yo so dalan ed kalawakan a para Dios tayo!

Saray Salmo 119:1

Maliket iray totoon anggapoy pakabalawan ed panagbilay da, saray mambibilay onung ed ganggan na Katawan.

1 Samuel 12:23

Para say siak, ag komun iyabuloy na Katawan a mankasalanan ak diad pangitondak na pangipikasik ed sikayo. Ingen, ibangat kod sikayo no anto ray maung tan maptek a gawaen yo.

Saray Huis 2:22

Ikanak ira yan bansa ed panubok kod saray Israelita no matoor irad siak kasi a singa inkatoor na saray atateng da.”

Genesis 18:19

Sikatoy pinilik, pian niganggan to ray anak to tan saray kabyangay boleg to ya ontoluk irad siak diad panggawa ray kaptekan tan katonungan. No gawaen da ya, sumpalen koy amin ya insipan kod sikato.”

Saray Salmo 67:2

pian naamtaay intiron mundo so linawam; pian naamtaay amin a bansa so panangilaban mo.

Lucas 1:4

Gawaen ko ya sirin, pian naamtaan moy katwaan da ray imbabangat dad sika.

Saray Gawgawa 18:26

Diad sinagoga, nansalitan anggapoy takotakot. Nen nadngel di Priscila tan Aquila, intagar dad abung tan malinew dan impaliwawa ed sikato ray bengatlan ag to ni amtan nipaakar ed Dalan na Dios.