Saray Gawgawa 18:23 - Maung A Balita Biblia

²³ Kalabas na pigay agew, inmalis la lamet. Binibisita to ray pasen a nasasakopay Galacia tan Frigia, tan pinapabiskeg toy pananisia da ray disipulo.

Maung a Balita Biblia

²³ Kalabas na pigay agew, inmalis la lamet. Binibisita to ray pasen a nasasakopay Galacia tan Frigia, tan pinapabiskeg toy pananisia da ray disipulo.

Saray Gawgawa 18:23 Referans Kwoze

Saray Gawgawa 14:22

Pinabiskeg day linawa na saray disipulo, tan binilin da a mansiansia ran matoor ed pananisia. Inkuanda met ed sikara, “Dakel iray nepeg tin palabasen ya irirap diad iloob tayod Panariay Dios.”

Saray Gawgawa 16:6

Nambiahi ra di Pablo, Silas, tan Timoteo ed pasen a nasasakopan na Frigia tan Galacia, lapud sinebelan ira na Ispiritu Santo a mampulong irad Asia.

Saray Gawgawa 15:41

Linmay Pablo ed nandoroman pasen ed Siria tan Cilicia, tan pinabiskeg to ray kabyangay iglisia.

Saray Gawgawa 15:32

Si Judas tan si Silas, a propita met ira, abayag iran nansalita tan angiter yad saray agagi na tepel na linawa tan biskeg na pananisia.

1 TESALONICA 5:14

Agagi, ipurek mid sikayo a bilin yo ray mangiras, pabiskeg yo ray mabaing, tulongan yo ray makapoy, tan anosan yo ran amin.

TAGA GALACIA 4:14

Balet ag yo ak binalaw o impolisay lapud liliknaen na laman ko, anggaman a sakey yan baleg a subok ed sikayo. Inawat yo ak ingen a singa anghil na Dios, tan nagkalalo ni, singa si Cristo Jesus!

1 CORINTO 16:1

Natan, nipaakar met ed kuarta ya itulong ed saray totooy Dios ed Judea, gawa yoy singa imbagak ed saray iglisia ed Galacia.

1 TESALONICA 4:18

Kanyan manliligliwaan kayo diad panamegley na sayan bangat.

1 TESALONICA 3:2

insan mi imbakiy Timoteo ya agi tayo tan kaiban manlilingkur ed Dios diad panangipulong na Maung a Balitan nipaakar ed Cristo. Imbaki mid tan a mamabiskeg na linawa yo tan ontulong ed pananisia yo,

TAGA GALACIA 1:2

Mikakasakey ed siak ya amin iray agagin kaibak dia a mangipapasabi na pabano ed saray iglisia ed Galacia:

Saray Gawgawa 16:40

Kapaway di Pablo tan Silas, linma rad abung nen Lydia. Akatongtong da rad may agagi, binilin da ran mampabiskeg na linawa, insan la ra linma.

Lucas 22:43

Pinmayawar so sakey ya anghil a nanlapud tawen, tan pinabiskeg toy linawa nen Jesus.

Lucas 22:32

Balet Simon, impikasi ta kan ag naandiy pananisiam. No pinmawil lay pananisiam ed siak, pabiskeg moy linawa da ray agagim.”

Daniel 11:1

Sikatoy makaoley ya ontulong tan mangyagel ed siak.

Esdras 1:6

Tinulongan ira na saray kaabay da diad impangiter dad sikara na saray ikakanan pilak, balituk, saray abasto, saray ayayep, saray arum a mabmablin kagawaan, tan saray bagat ya isaklang ed Timplo.

Deuteronomio 3:28

Bilin mo si Josue. Pabiskeg moy linawa to, lapud sikatoy mangipangulo ed saray totoo diad ibaliw dan manakup ed dalin a nanengneng mo.’

Lucas 1:3

Kasumpal kon inaral a maung yan agawgawa nanlapud inggapo ra, ninunot kon maabig ya isulat ko ran maoksuy para sika.

Saray Gawgawa 2:10

taga Frigia tan Pamfilia, taga Egipto tan saray pasen ed Libia a nasasakopay Cirene, taga Roma ray arum ed sikatayo: saray Judio tan saray Hintil a naayat ed Judaismo.

Saray Gawgawa 19:1

Leleg a walad Corinto si Apolos, dinmalan si Pablo ed saray nipokdul a pasen tan sinmabid Efeso. Wala ray nalmo tod man a pigaran disipulo,

TAGA GALACIA 1:9

Imbaga mi la nen saman, tan oliten ko lamet natan: no walay mangipulong ed sikayo na sumlang ed samay inawat yo lan Maung a Balita, nisamba komun!