Saray Gawgawa 17:28 - Maung A Balita Biblia

²⁸ ta ‘Walad sikatoy bilay, igagalaw, tan inkatoo tayo.’ Onya met so labay ya ibaga na saray managanlong yo nen inkuanda, ‘Anak to itayo met!’

Maung a Balita Biblia

²⁸ ta Walad sikatoy bilay, igagalaw, tan inkatoo tayo. Onya met so labay ya ibaga na saray managanlong yo nen inkuanda, Anak to itayo met!

Saray Gawgawa 17:28 Referans Kwoze

Say Libro nen Job 12:10

Say Dios so mangiwawanwan ed bilay na saray pinalsa to; walad lima to so bilay na balang too.

COLOSAS 1:17

Sikatoy wala la kasakbayan ya apalsay amin a bengatla tan diad panamegley to, maokoksuy ya amin iray bengatla.

Saray Hebreo 1:3

Say Anak isisinag toy liwawa na kagalangay Dios, ta walad sikatoy peteg ya inka-Dios na Dios. Sikatoy manaasikasod sankamundoan diad panamegley na makapanyarin salita to. Kasumpal ton nilinisan iray katoowan ed saray kasalanan da, inmirung ed nikawanay Dios, say Sankatageyan a Pakayari.

Saray Salmo 36:9

Sikay panlalapwan na amin a bilay, tan lapud silew mo nanenengneng miy liwawa.

Lucas 20:38

Say labay to yan ibaga sikatoy Dios na saray mabilay, aliwan Dios na saray inaatey, ta diad sikato mabilay ya amin iray katoowan.”

Juan 5:26

Ta onung a walay pakayari na Ama a mangiter na bilay, ontan met ya initdan toy Anak na pakayarin mangiter na bilay.

Juan 11:25

Inkuanen Jesus ed sikato, “Siak so kiolid bilay tan say bilay. Siopamay manisiad siak anggan ompatey, nabilay;

Saray Salmo 66:9

Pansiasiansiaen to tayon mabilay ya anggad natan, tan ag to itayo inabuloyan a napelag.

Saray Hebreo 12:9

Dinudusa itayo na saray mangaraldalin ya ama tayo tan, lapud saya, inggalang ti ra. Lalo la sirin a nepeg tayoy ontoluk ed maispiritun Ama tayo, pian mambilay itayo!

1 Samuel 25:29

No walay ondogpad sika tan labay to kan pateyen, say Katawan a Dios iyarawi to kad kaatapan, a singa pambantay na sakey a too ed mablin kayamanan. Ibasileng na Katawan iray kalaban mo, a singa pangipalsut na sakey too ed saray bato.

Daniel 5:23

Ginawam iray sumpad Katawan na tawen, ta impaalam ira may kupa tan losur a nala ed Timplo to. Naniinoman yo, sika, saray manonan opisyal mo, saray asawam, tan saray iyaamung mon bibii tan inggalang mo ray diriyos a balituk, pilak, gansa, balatyang, kiew, tan bato—saray diriyos ya ag ira makanengneng odino makadngel tan anggapoy amta ran alu. Balet ag mo pinagalangan so Dios a walad lima toy bilay mo tan walad silong na pakayari toy amin a gagawaen mo.

Lucas 3:38

Si Cainan anak nen Enos, ya anak nen Set. Si Set anak nen Adan, tan si Adan anak na Dios.

Tito 1:12

Taga Creta tan sakey ed saray propita ra met lamlamang so angikuan, “Saray taga Creta et matitila, maoges iran ayep, mangingiras, tan buakag ira.”

Deuteronomio 30:20

Aro yo so Katawan a Dios yo, onur yo tan mansiansia kayon matoor ed sikato, et diad ontan saray kabyangay boleg yo et mambilay ira na andokey ed dalin ya insipan ton iter ed saray lalaki yon di Abraham, Isaac, tan Jacob.”

Jeremias 38:16

Kanyan diad maamut insipan nen Ari Sedekias ed siak, “Sambaan kod mabilay a Katawan a mangiiter ed sikatayoy bilay, ya ag ta ka papatey odino ipalimad saray totoon malabay a mamatey ed sika.”

Saray Hebreo 2:11

Lilinisan nen Jesus iray totoo ed saray kasalanan da; sikato a manlinis tan saray nalilinisan et saksakey so Ama ra, kanyan si Jesus ag ambaing a manawag na agagi ed sikara.