Saray Gawgawa 17:24 - Maung A Balita Biblia

²⁴ Say Dios ya amalsay mundo tan amin a logan to, sikatoy Katawan na tawen tan dalin, kanyan ag manaayam ed saray Timplon ginaway too.

Maung a Balita Biblia

²⁴ Say Dios ya amalsay mundo tan amin a logan to, sikatoy Katawan na tawen tan dalin, kanyan ag manaayam ed saray Timplon ginaway too.

Saray Gawgawa 17:24 Referans Kwoze

1 Saray Arari 8:27

“Balet tua kasin makapanayam ka ed tapew na dalin, O Dios? Ag ka nakarga na anggan say intiron tawen; panon ko sirin a kargaen na sayan Timplon impaalagey ko?

Deuteronomio 10:14

Kayaryan na Katawan so anggan saray sankatageyan a katawenan; kayaryan to met so mundo, tan amin a logan to.

Saray Gawgawa 7:48

“Anggaman ontan, say Sankatageyan a Dios ag manayam ed saray abung ya impaalagey na too. Onung na inkuay propita,

Isaias 66:1

Say Katawan kuanto, “Say tawen so tronok tan say dalin so toonan na salik. Anton klasiy abung sirin so ipaalagey yon para siak, anton klasiy pasen so panayaman ko?

2 Saray Awaran 6:18

“Balet talaga kasin makapiayam kad saray totoo diad tapew na dalin, O Dios? Ag ka nakarga na anggan say intiron tawen, kanyan panon kan nakarga na sayan Timplon impaalagey ko?

Mateo 11:25

Inkuanen Jesus ed satan, “Misasalamat ak ed sika, Ama, Katawan na tawen tan dalin, ta inyamut mo ra yan bengatla ed saray makabat tan makatalus, tan impaamtam ed saray totoon mapaabeban singa saray ogogaw.

2 Saray Awaran 2:6

Balet say katwaan to anggapoy makapangipaalagey na timplon para Dios, lapud ag nakarga na anggan say intiron kabaleg na tawen so Dios mi. Kanyan panon so pakapangipaalagey ko na timplon para sikato? Say nayarian kon ipaalagey labat et say sakey a pasen a pampoolan na insinso ed Dios.

Saray Salmo 115:16

Kayaryan a bukor na Katawan so tawen, balet inter toy mundo ed too.

Puyan 20:11

Kasumpal to ya, anengneng koy baleg a tronon ampoti tan say akayorung diman. Naandipat so tawen tan dalin ed arap to, tan ag la ran balut anengneng.

Saray Gawgawa 14:15

“Sikayon totoo, akin et gagawaen yo ya? Totoo kami met a kapara yo! Impupulong mid sikayoy Maung a Balita, pian nalingwanan yo la ra yan andi-kakanaan a bengatla tan ondago ki lad mabilay a Dios ya amalsay tawen, dalin, tan dayat, tan amin a logan da ra ya.

Saray Gawgawa 4:24

Kadngel dad saya, nankakasakey iran nampikasid Dios: “Katawan, sikay amalsay tawen, dalin, dayat, tan amin a logan da!

Jeremias 10:11

Sikayo ran totoo nepeg yon ibagad sikara a saray diriyos ya ag da ginawa so tawen tan dalin, et naderal ira. Naandi ra ed anggan iner a pasen diad tapew na dalin.)

Lucas 10:21

Diad saman ya oras, si Jesus pinagayagay Ispiritu Santo. Inkuanen Jesus, “Misalamat ak ed sika, Ama, Katawan na tawen tan dalin, ta inyamut mo ra yan bengatla ed saray makabat tan makatalus, tan impaamtam ed saray totoon mapaabeban singa saray ogogaw. On, Ama, agawa ya ta sikatoy nilabay mo.

Isaias 42:5

Pinalsa na Dios iray katawenan tan impanat to ra; pinalsa toy mundo tan amin a manaayam dia; initdan toy bilay tan linawa iray amin a katoowan ed mundo. Et natan say Katawan a Dios kuantod aripen to,

2 Saray Arari 19:15

tan nampikasi, “O Katawan a Dios na Israel, manyodyorung kad mapagalang a tronom diad tagey na saray kirubin, bukbukor moy Dios a manooley ed amin a nanarian diad mundo. Pinalsam so tawen tan dalin.

Jeremias 23:24

Anggapoy toon makaamut ed pasen ya ag kod man nanengneng. Ag yo ta amta a kawalaan koy amin a pasen ed tawen tan diad dalin?

Saray Hebreo 3:4

Balang abung walay toon angipaalagey, balet say Dios so angipaalagey na amin a bengatla.

Mateo 5:34

Ibagak balet ed sikayo natan: ag kayo mansasamban balut! Ag yo pansasambaay tawen, ta trono na Dios;

Isaias 40:12

Nasukat na siopaman so dayat ed panamegley na dakolap to odino say tawen diad panamegley na lima to? Nikarga na siopaman so dalin na mundo ed sakey a kupa odino naala so belat na saray palandey tan saray pokdul diad panamegley na simbangan?

Saray Salmo 24:1

Kayaryay Katawan so mundo tan amin a logan to; kien toy dalin tan amin a manaayam ed dalin.

Saray Hebreo 1:2

Balet diad sarayan kaonuran ya agew, say Dios nansalitad sikatayo diad panamegley na Anak to. Pinalsa na Dios so sankamundoan diad panamegley na Anak, a pinili ton manawir na amin a bengatla.

Juan 1:1

Diad gapoy gapo wala la so Salita. Say Salita kaibay Dios tan sikatoy Dios.

Isaias 40:28

Ag yo amta? Ag yo ni nadngelan? Say Katawan so andi-anggaan a Dios; pinalsa to so sankamundoan. Ag balut nakesawan odino napunaw. Anggapoy makatalus na kanunotan to.

Zacarias 12:1

Sikato yay salita na Katawan nipaakar ed Israel, say Katawan ya angipanat na katawenan, say amalsad mundo, tan sikatoy angiter na bilay ed too. Kuanto,

Saray Salmo 148:13

Idayew dan amin komuy ngaran na Katawan. Matalonggaring nen anggan dinan so ngaran to; atagey nen say dalin tan tawen so kagalangan to.

Daniel 4:35

Say pakanengneng tod amin a katoowan et anggapoy kabaliksan da; walad silong na pakayari to iray anghil ed tawen tan saray totoo ed mundo. Anggapoy makasumlang ed linawa to odino makasumpa ed gagawaen to.

Jeremias 32:17

“Katawan a Dios, lapud baleg a pakayarim tan biskeg mo, ginawam so tawen tan dalin; mainomay mon gawaey antokaman a bengatla.

Isaias 45:18

Say Katawan pinalsa toy katawenan— sikato so Dios! Tinibokel tan ginawa toy mundo— ginawa ton malet tan mansiansia lawas. Ag to ginawan anggapoy kabaliksan to, no ag ingen ginawa ton pasen a panayaman na saray totoo. Sikato so angikuan, “Siak so Katawan, tan anggapo lay arum.

Saray Salmo 146:5

Maliket so toon tutulongan na Dios nen Jacob, tan maniilalo ed Katawan a Dios to,

Genesis 14:19

binindisionan to, tan inkuanto, “Say Sankatageyan a Dios ya amalsay tawen tan dalin et bindisionan to komuy Abram.

Genesis 14:22

Inmebat si Abram, “Sambaan kod Katawan, say Sankatageyan a Dios a Manamalsay tawen tan dalin,

Genesis 1:1

Diad gapoy gapo nen pinalsa na Dios iray katawenan tan say dalin,

Malakias 2:10

Ag ta saksakey so ama tayo? Ag ta saksakey a Dios so amalsad sikatayon amin? Akin sirin et ag tayo susumpalen so sipan tayod sakey tan sakey, tan akin et babalawen tayoy impisipanan na Dios ed saray lalaki tayo?

Saray Taga Roma 1:19

Malinew ed sikara so nayarin amtaen na too nipaakar ed Dios. Say Dios a dili so angipalinew ed sikara.