Saray Gawgawa 17:18 - Maung A Balita Biblia

¹⁸ Akisangsangan met ed saray maistron Epicureo tan Estoico. Inkuan na pigarad sikara, “Anto tay labay ton ibaga yan manmaung-maungan a too?” Inkuan met na saray arum, “Sakey amon managpulong nipaakar ed saray arum a diriyos.” Imbaga ra ya, ta nampupulong si Pablo na nipaakar ed kinen Jesus tan say kiolid bilay.

Maung a Balita Biblia

¹⁸ Akisangsangan met ed saray maistron Epicureo tan Estioco. Inkuan na pigarad sikara, Anto tay labay ton ibaga yan manmaung-maungan a too? Inkuan met na saray arum, Sakey amon managpulong nipaakar ed saray arum a diriyos. Imbaga ra ya, ta nampupulong si Pablo na nipaakar ed kinen Jesus tan say kiolid bilay.

Saray Gawgawa 17:18 Referans Kwoze

COLOSAS 2:8

Manasikaso kayo sirin, pian ag ki nasamsam na anggan siopa diad panamegley na andi-kakanaan tan makabalang a kakabatay too a manlalapud nipatawir iran bangabangat tan manlalapud saray manangiwanwan na sayan mundo, aliwan manlalapud Cristo.

Saray Gawgawa 4:2

Makapapasnuk irad saramay duaran apostol lapud pangibabangat tan pangipupulong dad saray totoo ya inmolid bilay si Jesus, et diad ontan, papaneknekan da met ya onolid bilay iray inaatey.

Lucas 11:53

Nen sinmiput lay Jesus ed saman ya abung, ginapoan na saramay iskriba a binalaw-balaw a maung tan tinepettepetay amayamay a bengatla,

1 CORINTO 4:10

Makulang-kulang kami nisengeg ed Cristo, balet makabat kayo diad pikakasakey ed Cristo! Makapkapoy kami, balet mabisbiskeg kayo! Nababalaw kami, balet napapagalangan kayo!

1 CORINTO 3:18

Nepeg ya anggapoy toon tilaan toy sikaton dili. No abaloan na sakey ed sikayo a sikatoy makabat onung ed kakabatan na sankamundoan, nepeg a magmaliw a makulang-kulang, pian magmaliw a petepeteg a makabat.

Saray Taga Roma 1:22

Mankabatkabatan ira balet diad tuay tua, makulang-kulang ira.

Saray Gawgawa 26:23

a salanti, nakaukolan a manirap so Cristo tan sikatoy onaan ya onolid bilay, pian nibawag toy liwaway kilalaban ed saray Judio tan saray Hintil.”

Marcos 9:14

Kasempet da, anengneng day amayamay a totoon akamokut ed saray disipulon atilak. Misasangsangan iray iskriba ed sarayan disipulo.

Probirbio 26:12

Say toon makulang-kulang et magmaung niy kipapasen to nen say toon ipapasen toy sikaton dili a makabat anta andi.

Probirbio 23:9

Ag mo sasalien a salitaen ed toon makulang-kulang so nipaakar ed pangikanay olo; ta balawen to labat so ibagam.

Saray Gawgawa 6:9

Balet, sinumlang na pigaran kabyangay sinagoga a tatawagen iray Nablus a Totoo. Wala ray Judio ed sikara a taga Cirene tan Alejandria. Saraya tan saray arum a Judio a taga Cilicia tan Asia et akisangsangan irad kinen Esteban.

Saray Gawgawa 5:42

Inagew-agew, diad Timplo tan diad saray kaabungan, intuloy day nambabangat tan nampupulong na nipaakar ed kinen Jesus, say Cristo.