Saray Gawgawa 16:18 - Maung A Balita Biblia

¹⁸ Ginagawa to yan pigay agew la, anggad naoputan lay anos si Pablo. Pinmoliktar tan inkuantod samay maoges ya ispiritu, “Diad ngaran nen Jesu-Cristo, igaganggan kod sikan ekal kad sayan bii!” Tampol ya inmekal imay ispiritu.

Maung a Balita Biblia

¹⁸ Ginagawa to yan pigay agew la, anggad naoputan lay anos si Pablo. Pinmoliktar tan inkuantod samay maoges ya ispiritu, Diad ngaran nen Jesu-Cristo, igaganggan kod sikan ekal kad sayan bii! Tampol ya inmekal imay ispiritu.

Saray Gawgawa 16:18 Referans Kwoze

Marcos 16:17

Saray mananisia naitdan ira na saray tanda na pakayari: papawayen da ray dimonyo ed ngaran ko; mansalita ray nandoroman salita;

Saray Gawgawa 9:34

“Eneas,” inkuanen Pedro, “paabigen ka nen Jesu-Cristo. Bangon ka tan sinup moy dokulan mo.” Binmangon a tampol si Eneas.

Saray Gawgawa 3:6

Inkuanen Pedro ed sikato, “Anggapon balut so kuartak, balet say walad siak, iter kod sika: diad ngaran nen Jesu-Cristo a taga Nazaret, manakar ka!”

Marcos 1:34

Amayamay iray pinapaabig ton manliliknay nambabangil a sakit tan pinapaekal to ray dakerakel a dimonyo. Ag to pinapaesel iray dimonyo, lapud kabat da no siopay Jesus.

COLOSAS 2:15

Diad panamegley na impatey nen Cristo ed krus, dineral toy pakayari da ray maispiritun manoley tan saray walay betang. Singa ra ya adakep tan imparadad karaklan a pangipanengneng na impanalo to.

Lucas 9:1

Tinawag nen Jesus iray labinduan disipulo tan initdan to ray pakayari tan pakaoley a mamaekal ed saray dimonyo tan mamaabig ed saray sakisakit.

Mateo 14:24

Diad sayan bekta arawi la may baloto tan kibang-kibang, ta onsusubad dagem.