Saray Gawgawa 16:15 - Maung A Balita Biblia

¹⁵ Nampabinyag si Lydia tan say intiron pamilya to. Insan to kami inimbitaan ya inkuanto, “Diman ki la mipundod abung ko, no ipapasen yo ak a matoor ed Katawan.” Mapilit so impangimbita to, kanyan linma kami.

Maung a Balita Biblia

¹⁵ Nampabinyag si Lydia tan say intiron pamilya to. Insan to kami inimbitaan ya inkuanto, Diman ki la mipundod abung ko, no ipapasen yo ak a matoor ed Katawan. Mapilit so impangimbita to, kanyan linma kami.

Saray Gawgawa 16:15 Referans Kwoze

Saray Gawgawa 11:14

Ibaga tod sika ray salita a kilabanan mo tan say intiron pamilyam.’

Saray Hebreo 13:2

Ag yo lilingwanay mamatuloy na saray sangkaili ed abung yo. Wala ray nanggawa ya, et ag da amtan saray anghil so pinatuloy da.

Saray Gawgawa 16:33

Diad saman lamlamang a labi, samay guardia inala to ra tan inorasan to ray sugasugat da, tan nampabinyag a tampol tan say intiron pamilya to.

Lucas 24:29

Balet pinokpokan dan ag la ontutuloy a kuanda, “Mipundo ka la diad sikami, ta onseselek lay agew, insan onlalabi la ni met.” Kanyan akipundod sikara.

Genesis 19:3

Pinilit to ran ondawes ed abung to, kanyan akila rad sikato. Ingganggan nen Lot iray aripen to a manggawa ray tinapay tan mangiparaan ira na maung a pandeman na saray bisita; nen nisaklang lay lamisaan, angan ira.

3 Juan 1:8

Nepeg ti ran tulongan ira yan totoo sirin, pian makapinabang tayod kimey dan pangikayat na katwaan.

3 Juan 1:5

Pinablin kaaro, talagan matoor kad panaglingkur mod saray agagi, anggaman ya ag mo ra kabat.

1 Pedro 5:12

Sinulat ta kayoy antikey diad tulong nen Silvano, ya ipapasen kon agi a matoor, ta labay kon pabiskegey linawa yo tan paneknekan a sikato yay tuan baleg a panangaroy Dios. Mansiansia kid sayan panangaro to.

Filemon 1:17

No tuan ipapasen mo ak a kaiba, awat mo a singa pangawat mod siak.

FILIPOS 1:7

Wala kayon amin lawas ed pusok, kanyan manepeg ya onyay liknaan kod sikayo. Ta akinabang kid siak ya amin ed sayan pankanawnawan inter na Dios ed siak, say pankanawnawan mangyagel tan mamaneknek ed katwaay Maung a Balita, nen ag ak ni apriso ya anggad natan ya apriso ak.

TAGA-EFESO 1:1

Sayan sulat nanlapud kinen Pablo ya apostol nen Cristo Jesus, onung ed linaway Dios— Diad saray totooy Dios a wala rad Efeso, saray matoor ed Cristo Jesus:

TAGA GALACIA 6:10

Kanyan anamuten tayoy pankanawnawa tayon ontulong ed kaparan too, lautlad saray agagid pananisia.

2 CORINTO 12:11

Nagmaliw ak a singa makulang-kulang, balet sikayoy amasoot ed siak ya onyay gawaen ko. Sikayoy manepeg ya ononan mangidayew ed siak. Ta anggaman ya anggapoy kakanaan ko, ag ak natilak ed saratan a mamaung ya “apostol”.

2 CORINTO 5:14

Ta ooleyan kamiy aro nen Cristo, bangta bibirbiren min inatey so sakey a too para amin a katoowan; say labay to yan ibaga, minanabang so amin a katoowan ed impatey to.

Saray Taga Roma 16:23

Ibabano ki met nen Gayo a pipupundoan ko tan diad abung toy pantitiponay intiron iglisia. Ontan met, ibabano kinen Erasto a tisoriroy siudad tan si agi tayon Cuarto.

2 Juan 1:10

No walay toon onlad sikayo tan ag to awit yan bangat, ag yo patutuloyen ed abung yo; ag yo anggan ibabano.

Saray Gawgawa 18:8

Si Crispo, ya inkargado na saman a sinagoga, et anisiad Katawan; ontan met na intiron pamilya to. Amayamay met iray totood Corinto ya anisia tan nampabinyag, lapud impakadngel dad kinen Pablo.

Saray Gawgawa 8:38

Pinatonda to may yunuko so karwahi. Linma ran duad danum, tan bininyagan nen Felipe.

Saray Gawgawa 8:12

Balet nen impupulong nen Felipe so Maung a Balitan nipaakar ed Panariay Dios tan say ngaran nen Jesu-Cristo, anisia ra tan nampapabinyag ira, bii man o laki.

Lucas 14:23

Inkuan na amo, ‘Lakad saray daladalan tan saray leeleet diad paway na baley, tan pasoot mo ray totoon ondago, pian napanoy abung ko.

Mateo 10:41

Say mangawat ed sakey a propita, lapud inkapropita to, minabang ed tumang na saman a propita. Say mangawat ed maung a too, lapud inkamaung to, minabang ed tumang na saman a too.

2 Saray Arari 4:8

Aminsan ya agew, linmay Eliseo ed baley na Sunem a dimay panaayaman na sakey a biin mayaman. Binagaan na sayan biin mayaman a mangan si Eliseo, tan nanlapud saman diman la mamangan si Eliseo kapag onlad saman a baley.

1 Samuel 28:23

Ag inmabuloy si Saul, tan inkuanton ag mangan na antokaman. Balet tinanggoyur met na saray opisyal to. Inmabuloy a siansia, binmangon, tan inmirung ed katri.

Genesis 33:11

Awat mo kariy panangarok ya awit kon para sika, kinasian ak na Dios, ta inter ton amin iray nakaukolan ko.” Ag to tinondaan ya anggad inawat nen Esau ira may rigalo.

Mateo 3:6

Impapatwa ray kasalanan da, tan binibinyagan to rad Ilog na Jordan.

Saray Gawgawa 16:31

Inmebat ira, “Manisia kad Katawan a Jesus, et nilaban ka, sika tan say pamilyam.”

Saray Gawgawa 16:34

Insan to ra intagar ed abung to tan pinakan to ra. Agaylay liket to tan say intiron pamilya to, ta manisia la ra natan ed Dios.