Saray Gawgawa 15:10 - Maung A Balita Biblia

¹⁰ No ontan sirin, akin et labay yon subokey Dios diad pamapasakbat yod saray disipulo na ambelat a sasakbaten ya ag ayarian na saray atateng tayo, ni anggan sikatayo?

Maung a Balita Biblia

¹⁰ No ontan sirin, akin et labay yon subokey Dios diad pamapasakbat yod saray disipulo na ambelat a sasakbaten ya ag ayarian na saray atateng tayo, ni anggan sikatayo?

Saray Gawgawa 15:10 Referans Kwoze

TAGA GALACIA 5:1

Walad sikatayoy kawayangan, ta imbolus itayo nen Cristo! Pansiansia yon malet sirin yan kipapasen yo, tan ag kayo papaaripen lamet.

Mateo 23:4

Manggagawa ray ambelat a sasakbaten ya ipapasakbat dad arum a totoo, balet ag da labay ya igalaw so anggan tamoro ra diad pangiba ra.

TAGA GALACIA 4:9

Natan ta kabat yo lay Dios—andi manaya, no ag ta natan ta kabat ki lay Dios—akin et papawilen yo ray anggapoy nayarian tan saray pangaskasiyan a manangiwanwan na sayan mundo? Labay yo siriy paoleyan lamet ed sikara?

Saray Hebreo 9:9

Anino labat ira ya na sayan panaon. Labay to yan ibaga a saray bagat tan saklang ya iiter ed Dios et ag da nalinisan so konsinsia da ray mangigagalang.

Isaias 7:12

Inmebat si Acaz, “Ag ak onkerew na tanda. Ag ko labay a suboken so Katawan.”

Saray Hebreo 3:9

Sinali tan sinubok da ak diman, kuay Dios, anggaman a naimatunan da ray ginagawak ed loob na apataploy taon.

Mateo 4:7

Inmebat si Jesus, “Ibabaga met na Masanton Sulat: ‘Ag mo tutuksoen so Katawan a Dios mo.’”

Exodo 17:2

Nanriklamo ra sirin ed kinen Moises tan kuanda, “Itdan mo kamiy danum ya inomen.” Inmebat si Moises, “Akin et manririklamo kayod siak? Akin et susuboken yoy Katawan?”

Saray Gawgawa 5:9

Inkuanen Pedro, “Akin et nankasakeyan yon sanasawa a suboken so Ispiritu na Katawan? Saray babalolaki ya angipompon ed asawam wadtan la rad puirta. Onsoblay ka met ya awiten dan ipaway!”