Saray Gawgawa 15:1 - Maung A Balita Biblia

¹ Wala ray pigaran totoon nanlapud Judea a sinmabid Antiokia, tan imbabangat dad saray agagi, “Ag kayo nilaban no ag kayo natandaay segat, onung na ibabagay Ganggan nen Moises.”

Maung a Balita Biblia

¹ Wala ray pigaran totoon nanlapud Judea a sinmabid Antiokia, tan imbabangat dad saray agagi, Ag kayo nilaban no ag kayo natandaay segat, onung na ibabagay Ganggan nen Mioses.

Saray Gawgawa 15:1 Referans Kwoze

TAGA GALACIA 5:6

Ta diad saray mikakasakey ed Cristo Jesus, anggapo lay kakanaan na pampasegat o ag pampasegat. Say manona et say pananisian nanengneng a mankikimey lapud aro.

Saray Gawgawa 15:5

Balet wala ray pigaran mananisia a kabyangan na saray Pariseo ya inmalagey tan inkuanda, “Nakaukolan a tandaay segat iray Hintil a mananisia, tan bilinen ira ya onuren day Ganggan nen Moises.”

COLOSAS 2:8

Manasikaso kayo sirin, pian ag ki nasamsam na anggan siopa diad panamegley na andi-kakanaan tan makabalang a kakabatay too a manlalapud nipatawir iran bangabangat tan manlalapud saray manangiwanwan na sayan mundo, aliwan manlalapud Cristo.

Levitico 12:3

Diad kumawalon agew nepeg a segaten so ogaw.

Saray Gawgawa 15:24

Abalitaan min wala ray totoon nanlapud sikami a linmad tan a nanggogoloy kaisipan yo lapud saray imbabaga ra. Balet nepeg yon kabaten ya ag mi ra ingganggan.

Juan 7:22

“Lapud ingganggan kayo nen Moises a mampasegat (aliwan si Moises so angigapod saya no ag saray lalaki yo), manesegat kayoy ogaw a laki ya anggan Agew na Panagpainawa.

TAGA GALACIA 2:1

Kalabas na labinapat taon linma ak lamet ed Jerusalem a kaibak si Bernabe, tan impilak met si Tito.

Saray Gawgawa 15:3

Sikaray imbaki sirin na iglisia. Dinmalan irad Fenicia tan Samaria, tan imbabalita rad man no panoy inyasingger na saray Hintil ed Dios. Agaylay liket da ray agagi nen nadngel da ya.

Saray Gawgawa 6:14

Ta nadngel min imbagbaga to a sayan Jesus a taga Nazaret et deralen to yan Timplo, tan salatan ton amin iray kaogaliyan ya impatawir nen Moises ed sikatayo.”

COLOSAS 2:16

Kanyan ag kayo papaoleyan ed siopaman a mangibaga no antoy nepeg yon kanen, inomen, pistaan ya agew o bulan, o ngilinan ya Agew na Panagpainawa.

Saray Gawgawa 21:20

Nen nadngel da ya, indayew day Dios. Insan inkuandad kinen Pablo, “Amtam, agi, pigan libo la ray Judion manisiad kinen Jesus, tan maseseg so panusumpal dad Ganggan nen Moises.

Saray Gawgawa 15:22

Kanyan nampapaknaan na saray apostol, saray mamatakken, tan say intiron iglisia a mamili ray pigaran totoo ya ibakid Antiokia, a kaiba ra di Pablo tan Bernabe. Saray imbaki ra sikara di Judas a tatawagey Barsabas tan si Silas, duaran lalaki a gagalangen na saray agagi.

Saray Gawgawa 1:15

Kalabas na pigaran agew, nantitipon iray sakey a sanlasus tan duamplon mananisia. Inmalagey si Pedro tan inkuanto,

Saray Gawgawa 15:23

Impawit dad sikaray sulat ya onyay karga to: “Sikami ran apostol tan mamatakken igagalang mi kayon agagi min nianak a Hintil a walad Antiokia, Siria, tan Cilicia.

Saray Gawgawa 15:32

Si Judas tan si Silas, a propita met ira, abayag iran nansalita tan angiter yad saray agagi na tepel na linawa tan biskeg na pananisia.

TAGA GALACIA 6:12

Saray totoon labay dan ipasirayew iray bengatlan nanengneng, sikaray mamapasoot a mampasegat kayo. Balet gagawaen da ya, ta ag da labay so napairap lapud krus nen Cristo.