Saray Gawgawa 13:22 - Maung A Balita Biblia

²² Nen inekal lay Dios si Saul, inter ton manarid sikara si David. Onyay imbagay Dios nipaakar ed sikato: ‘Nalmok a si David ya anak nen Jesse so toon pakaliliketan ko, sakey a toon sipaparaan a manumpal na amin a linawak.’

Maung a Balita Biblia

²² Nen inekal lay Dios si Saul, inter ton manarid sikara si David. Onyay imbagay Dios nipaakar ed sikato: Nalmok a si David ya anak nen Jesse so toon pakaliliketan ko, sakey a toon sipaparaan a manumpal na amin a linawak.

Saray Gawgawa 13:22 Referans Kwoze

1 Saray Arari 15:5

Ginagawa ya na Katawan, lapud ginawa nen David iray makapaliket ed sikato tan ag ton balut sinumlang iray ganggan to, likud ed samay ginawa to ed Urias a Heteo.

1 Samuel 16:13

Inala nen Samuel so larak na oliba tan nilanaan toy David diad arap da ray agagi to. Linmoob a tampol ed kinen David so ispiritu na Katawan tan walad sikato manlapud saman ya agew. Insan amawil lad Rama si Samuel.

1 Samuel 16:1

Inkuan na Katawan ed kinen Samuel, “Kaonungay kabayag so panermen mo lapud kinen Saul? Impolisay ko lan ari na Israel. Mangala kay larak na oliba tan lakad lakin say ngaran to et Jesse, a walad Betlehem, ta pinilik ya ari so sakey ed saray anak ton lalaki.”

1 Samuel 15:28

Inkuanen Samuel ed sikato, “Say Katawan inekal to natan ed sika so nanarian na Israel tan inter tod sakey a toon maung nen say sika.

1 Samuel 15:26

“Ag ak milad sika,” ebat nen Samuel. “Impolisay moy ganggan na Katawan, kanyan impolisay to ka ya ari na Israel.”

Saray Gawgawa 7:46

Nanggayagay Dios ed kinen David tan kinerew ton abuloyay Dios a manggaway ayaman a para Dios nen Jacob.

1 Saray Arari 15:3

Ginawa to ray kasalanan a ginagawa nen ama to tan aliwan sigput a matoor ed Katawan a Dios to; ag to naaligan si laki tod dapan a si David.

2 Samuel 7:8

“Kanyan ibagam ed aripen kon David a siak, say Katawan a Makapanyarin-amin, kuankod sikato, ‘Inekal ta kad panagpastol moy karniro ed kaalogan, insan ta ka ginawan manoley ed saray totook ya Israel.

2 Samuel 2:4

Insan saray lalakid Juda linma rad Hebron tan nilanaan day David a manarid Juda. Nen nadngelan nen David a si Saul et impompon na saray totood Jabes, diad Galaad,

1 Samuel 15:23

Say isumpa ed sikato et singa kinaoges na panangipanon ed saray maoges ya ispiritu tan say panagpaatagey et singa kinaoges na panangigalang ed saray diriyos. Lapud impolisay moy ganggan na Katawan, impolisay to ka met ya ari.”

Saray Gawgawa 15:8

Say Dios, a makaamtay walad pusoy balang sakey, impanengneng toy maung a linawa tod saray Hintil diad impangiter tod sikara na Ispiritu Santo, a singa impangiter tod sikatayo.

Oseas 3:5

Balet onsabiy panaon a saray totood Israel et ompawil ira lamet ed Katawan a Dios da tan diad sakey a kabyangay boleg nen David ya ari ra. Insan takotan day Katawan tan makaawat ira na saray marakep a rigalo to.

Jeremias 33:26

ontan met so pangituloy koy impisipanan kod saray kabyangay boleg nen Jacob tan diad aripen kon David. Mamili ak na sakey ed saray kabyangay boleg nen David a sikatoy manoley ed saray kabyangay boleg di Abraham, Isaac, tan Jacob. Kasian ko ray totook tan paaligwasen ko ra lamet.”

Saray Salmo 2:6

“Pinayorung kon manoley so arik diad tapew na masanton palandey ko a Sion,” kuanto.

1 Saray Awaran 10:13

Inatey si Saul lapud aliwan matoor ed Katawan. Ag to inonur iray ganggan na Katawan; sinali toy kinmerew na pangiwanwan ed saray ispiritu na inaatey

2 Samuel 7:15

Balet ag ko ekalen so ag mangoman a panangarok ed sikato, aliwan singa ginawak ed kinen Saul.

1 Samuel 31:6

Onyay impatey nen Saul, saray taloran anak ton lalaki, tan samay balolaki; diad saman ya agew inaatey iray amin a totoo nen Saul.

1 Samuel 15:11

“Magbabawi ak a ginawak ya ari si Saul; imbeneg to ak tan ag to inonur iray ganggan ko.” Apasnukay Samuel, tan sanlabin akikasi ed Katawan.

1 Samuel 12:25

Balet no itoluy yoy mankasalanan, napatey kayo tan say ari yo.”

Ezekiel 34:23

Itdan ko ray sakey ya arin singa si aripen kon David tan sikatoy saksakey a mampastol ed sikara, tan asikasoen to ra.

Jeremias 33:21

Ontan met akisipanan ak ed aripen kon David pian nawalaan lawas na kabyangay boleg a manari, tan akisipanan ak ed saray papari a kabyangay tribu nen Levi pian manlingkur ira lawas ed siak; et ag ira yan balut naderal a sipanan.

1 Samuel 28:16

Inkuanen Samuel, “Akin et tawagen mo ak, no inkaindan kay Katawan tan nagmaliw kan kalaban ko?

Saray Gawgawa 13:36

Kasumpal a ginawa nen David ed legay impambilay to so linaway Dios, inatey tan nipompon a kaabay to ray lalaki to. Dinalan to met sirin so kaboboluk.

1 Saray Awaran 2:12

Obed, tan Jesse.