Saray Gawgawa 13:11 - Maung A Balita Biblia

¹¹ Natan, sikay dusaen to. Nabulag ka, tan mabayag na daiset so ag mo pakanengneng ed liwaway agew!” Aliknan tampol nen Elimas a singa walay sinmakub ya andeket a kelpa ed saray mata to, kanyan kumarapas a mananap na mangitabin ed sikato.

Maung a Balita Biblia

¹¹ Natan, sikay duasen to. Nabulag ka, tan mabayag na daiset so ag mo pakanengneng ed liwaway agew! Aliknan tampol nen Elimas a singa walay sinmakub ya andeket a kelpa ed saray mata to, kanyan kumarapas a mananap na mangitabin ed sikato.

Saray Gawgawa 13:11 Referans Kwoze

Saray Salmo 32:4

Agew-labin dinudusa mo ak, Katawan; nakal lan sigput so biskeg ko, a singa bengatlan ambasa a pinamagay petang ed panaoy tiagew.

Exodo 9:3

dusaen ta ka diad pangipadalan ko na ambelat a salot ed saray amin ya ayayep yo—saray kabayo yo, saray asno yo, saray kamilyo yo, saray baka yo, saray karniro yo, tan saray kanding yo.

Saray Hebreo 10:31

Makapataktakot so napelag ed limay Dios a mabilay!

1 Samuel 5:11

Kanyan angibaki ra lamet na manawag ed amin da ray limaran arari na Filistia. Nen atipon la ran lima, inkuanda, “Iyakar yoy Kaban na Sipanan na Dios ed pasen ton dili, pian ag to tayo pateyen tan saray pamilya tayo.” Walay gewgew ed intiron siudad, ta dudusaen iran maung na Dios.

2 Pedro 2:17

Say kapara na sarayan tila-tilan bumabangat et saray sobul a nakatan tan lorem ya impalig na bagyo. Say Dios imparaanan to la ra na sankabilongetan a pasen.

Juan 9:39

Inkuanen Jesus, “Linma ak diad mundo a manintinsia, pian makanengneng iray bulag tan nabulag iray makanengneng.”

Say Libro nen Job 19:21

Kakaaro ta kayo! Kasian yo ak! Tinomba ak la na Dios.

Saray Taga Roma 11:25

Agagi, walay sakey a niamut a katwaan a labay kon ipaamtad sikayo, pian ag yo ipasen a makabkabat kayo. Say inkaawet na puso da ray Israelita et mansamput la no inmasingger lad Dios so nagnap a bilang da ray Hintil.

Saray Gawgawa 9:17

Linma sirin si Ananias, linmoob ed abung, tan intapew to ray lima tod kinen Saulo. “Agin Saulo,” inkuanto, “imbaki ak dia na Katawan, say dilin Jesus a nampanengneng ed sikad dalan nen oonla ka dia. Imbaki to ak dia, pian makanengneng ka lamet tan napano kay Ispiritu Santo.”

Isaias 29:10

Impantemeg kayo na Katawan, ngalngali kayo la makalirep na malmalet. Saray propita so nepeg komun a pinagkamata na saray totoo, balet pinerengan ira na Dios.

Saray Salmo 38:2

Sinugat mo ak na saray panam, kinabil mo ak na saray limam.

2 Saray Arari 6:8

Mibabakal ed Israel so ari na Siria. Kayariy impangipanon tod saray opisyal to, amiliy pasen a pankampoan to.

1 Samuel 5:9

Balet kasabi tod man, dinusa met na Katawan iman a siudad, tan ginewgew ton maung iray totood man. Dinusa to ra diad panamegley na inkapelpelsaan na amin a totood siudad, mamatakken man o mamalangwer.

Genesis 19:11

Insan da binulag ira may amin a lalakin walad paway, kanyan ag da napogta so puirta.