Saray Gawgawa 10:8 - Maung A Balita Biblia

⁸ Imbaga tod sikaray agawa, insan to la ra imbakid Jope.

Maung a Balita Biblia

⁸ Imbaga tod sikaray agawa, insan to la ra imbakid Jope.

Saray Gawgawa 10:8 Referans Kwoze

TAGA GALACIA 1:16

Et nen impaamta tod siak so Anak to, pian nipulong kod saray Hintil so Maung a Balitan nipaakar ed sikato, ag ko ya impanon ed anggan siopan too.

Saray Gawgawa 26:19

“Kanyan, Ari Agripa, ag ak sinmumlang ed payawar a nanlapud tawen.

Saray Gawgawa 10:33

Impaawit ta kan tampol, tan salamat la ta sinmabi ka. Kanyan wadya kamin amin natan a nantitipon a sankanengneng na Dios tan manaalagar kamin mandengel na antokaman a paibabagad sikay Katawan.”

Saray Gawgawa 9:36

Diad Jope wala met so sakey a biin mananisia a manngaray Tabita. (Diad salitay Grigo say ngaran to Dorcas, ya “sakey ya ulsa” so labay ton ibaga.) Anggapo lay arum a gagawaen to no ag say panggawa toy kamaungan tan panulong tod saray mairap-bilay.

Ecclesiastes 9:10

Antokaman a gawaen mo gawam ed anggaay nayarian mo, lapud anggapo lay kimey, kanunotan, pakatalus, tan kakabatan ed pasen a kawalaan da ray inaatey a dimay laen mo.

Saray Gawgawa 9:38

Asingger so Jope ed Lida, kanyan nen nadngelan na saray disipulod Jope a walad Lida si Pedro, angibaki ray duaran totoo tan papaibaga ra, “Mila ka karin tampol ed sikami.”

Saray Gawgawa 9:42

Kinmayat yan agawa ed intiron Jope, kanyan amayamay so anisiad Katawan.

Saray Gawgawa 9:43

Nambayag dimay Pedro ed Jope, tan akipundod kinen Simon a managkurti na katat.

Saray Gawgawa 10:7

Kasiput to may anghil, tinawag nen Cornelio so duaran igaganggan to tan sakey a sondalon matoor ed Dios, sakey ed saray managlingkur ed sikato.

Saray Gawgawa 10:17

Leleg a nununoten a maung nen Pedro no antoy kabaliksay anengneng ton payawar, sinmabi ra may imbaki nen Cornelio. Arumog day abung ya aanapen da, tan wala ra natan ed puirta.