Saray Gawgawa 10:15 - Maung A Balita Biblia

¹⁵ Inkuan lamet na bosis, “Ag mo ipapasen a marotak so nilinisay Dios.”

Maung a Balita Biblia

¹⁵ Inkuan lamet na bosis, Ag mo ipapasen a marotak so nilinisay Dios.

Saray Gawgawa 10:15 Referans Kwoze

1 CORINTO 10:25

Nayarian yon kaney antokaman a nasaliw ed lakoway karni ya ag kayo la tepet-tepet, lapud konsinsia.

Mateo 15:11

Aliwan say onloob no ag say ompaway ed sangiy too so mandotak ed sikato.”

Tito 1:15

Diad saray malinis so panagbilay da, malinis iray amin a bengatla; balet diad saray arotakan tan aliwan mananisia, anggapoy malinis ta arotakan so kanunotan tan konsinsia ra.

Marcos 7:19

ta ag onlad puso to, no ag ingen diad eges to, insan ompaway met lamlamang?” (Diad impangibaga nen Jesus na onya, impakabat to a nayarin kanen so antokaman a nakan.)

Saray Taga Roma 14:14

Lapud pikakasakey kod Katawan a Jesus, amtak tan sisiaen ko ya anggapoy nakan a gendat lan marotak. Balet no ipasen na sakey a too a walay nakan a marotak tan ag nayarin kanen, ag nayari sirin a kanen to.

Saray Gawgawa 10:28

Inkuanto, “Kabat yo a sebel ed sakey a Judio so mikaaro odino ombisitad aliwan Judio. Balet impaamtay Dios ed siak ya ag ko ipasen a marotak o ag manepeg a piolupan so anggan siopa.

Saray Gawgawa 11:9

Nadngel ko lamet ya inkuan na bosis a nanlapud tawen, ‘Ag mo ipapasen a marotak so nilinisay Dios.’

Saray Taga Roma 14:20

Ag yo dederaley kimey na Dios lapu labat ed kakanen. Amin a nakan nayarin kanen, balet maoges so pangan mo na pansengegay pankasalanan na sakey a too.

Saray Gawgawa 15:20

Sulaten ti ra ingen tan ibaga tayon ag ira mangan na antokaman ya imbagat ed saray diriyos; ag ira manggaway inmoralidad; ag ira mangan na ayep a tinikel, tan say dala.

Saray Gawgawa 15:9

Namparay pangipapasen na Dios ed sikara tan sikatayo. Nilinisan to ray puso ra lapud anisia ra.

Saray Gawgawa 15:29

ag kayo mangakay antokaman ya imbagat ed saray diriyos; ag kayo mangakay dala tan ayayep a tinikel; tan ag kayo manggagaway inmoralidad. Arawian yo ra ya et maung so pansumpalan yo. Mampatanir kami la.”

Puyan 14:20

Apespes iray ubas ed panagpespesan a walad paway na baley, tan manlapud samay panagpespesan, pinmaway so dala tan dinmelap a say karokey to et duan lasus tan duamplon kilomitro, tan limaran dangan so kinaaralem to.

Saray Gawgawa 10:16

Amitlo yan agawa tan kasumpal to, nipawil lad tawen imay singa oles.