Saray Gawgawa 1:6 - Maung A Balita Biblia

⁶ Kanyan nen aminsan a nantitipon ira, tinepet dad kinen Jesus, “Katawan, ipawil mo la kasi natan ed Israel so Panarian?”

Maung a Balita Biblia

⁶ Kanyan nen aminsan a nantitipon ira, tinepet dad kinen Jesus, Katawan, ipawil mo la kasi natan ed Israel so Panarian?

Saray Gawgawa 1:6 Referans Kwoze

Lucas 19:11

Kadngel dad saraya, intuloy nen Jesus so pansasalita tod sikara. Sinalita toy sakey ya alimbawa, lapud sikatoy asingsingger lad Jerusalem tan say amta ray totoo et magano lan onsabiy Panariay Dios.

Lucas 17:20

Tinepet na saray Pariseo ed kinen Jesus no kapigay isabi na Panariay Dios. Onyay ebat to, “Say isabi na Panariay Dios anggapoy kaiba ton tandan nanengneng na mata.

Daniel 7:27

Niiter ed saray totoo na Sankatageyan a Dios so pakayari tan inkatalonggaring na amin a nanarian ed tapew na dalin. Ag mangangga so nanarian da; manlingkur tan ononur ed sikara iray amin a manoley diad tapew na dalin.”

Mateo 24:3

Nen manyodyorung si Jesus ed Palandey na Kaolibaan, linman maamut ed sikato ray disipulo. Tinepet da, “Kapigan so pakagawa da ra ya, tan antoy pakapatnagan ya asingger lay isabim tan say anggaay panaon?”

Lucas 22:29

Initdan ak na Amak na pakayarin manoley,

Mateo 17:11

“Tua ya ononan onsabiy Elias,” kuanen Jesus, “tan pasimbaloen ton amin iray bengatla.

Mateo 20:21

“Antoy labay mo?” tepet nen Jesus. Inmebat, “Iyabuloy mo pa komun ya onyorung ed sikad nanarian mo ra yay duaran anak ko, say sakey diad nikawanan mo tan say sakey diad nikawigim.”

Zacarias 9:9

Manliket kayo na baleg, sikayon totood Sion! Eyag kayod liket, sikayon totood Jerusalem! Nengneng yo, onsasabid sikayo so ari yo! Onsasabin analo tan sipapalabo, balet mapaabeba tan akakabayod sakey a kilaw na asno—

Amos 9:11

Say Katawan kuanto, “Onsabiy agew ya ipawil koy gendat a kipapasen na nanarian nen David, a kaparpara toy sakey ya abung ya aderal-deral ed inkageba to. Apigeren ko ray padir to tan ipaalagey kon singa gendat.

Jeremias 33:26

ontan met so pangituloy koy impisipanan kod saray kabyangay boleg nen Jacob tan diad aripen kon David. Mamili ak na sakey ed saray kabyangay boleg nen David a sikatoy manoley ed saray kabyangay boleg di Abraham, Isaac, tan Jacob. Kasian ko ray totook tan paaligwasen ko ra lamet.”

Isaias 1:26

Itdan ta kayo na saray pangulo tan saray sumisimbawa yo a singa nen saman. Diad ontan, say Jerusalem natawag a matonung tan matoor a siudad.”

Genesis 49:10

Bembenan toy baston na ari. Manoley lawas iray kabyangay boleg to. Maniter ed sikato iray bansa na buis da Tan ondakmomo ran ontoluk ed sikato.

Juan 21:21

Diad impakanengneng nen Pedro ed sikato tinepet to ed kinen Jesus, “Katawan, sayan too balet ey?”

Marcos 9:12

Inmebat ed sikara, “Tua ya ononan onsabiy Elias tan pasimbaloen ton amin iray bengatla. Balet akin et ibabagay Masanton Sulat a mapalaloy kairapan na Anak na Too tan nabalaw-balaw?

Mikias 5:2

Say Katawan kuanto, “Betlehem Efrata, sakey ka ed saray ankekelag a baley na Juda, balet sika so panlapwan na sakey a manoley ed Israel, a say sengeg na pamilya to et natonton ed saray inmona-ona ran panaon.”

Oseas 3:4

Diad singa onya, saray totood Israel mabaybayag iran mambilay ya anggapoy ari odino pangulo, anggapo ray bagat odino masanton lusek, anggapoy talintaoy diriyos odino imahin ya onkanad panagparles.