Saray Gawgawa 1:13 - Maung A Balita Biblia

¹³ Sikara ya di Pedro, Juan, Santiago, Andres, Felipe, Tomas, Bartolome, Mateo, Santiago ya anak nen Alfeo, Simon a Patriota, tan si Judas ya anak nen Santiago. Kasabi rad abung a tutuloyan da, sinmegep ira tan linmoob irad sakey a kuarto.

Maung a Balita Biblia

¹³ Sikara ya di Pedro, Juan, Santiago, Andres, Felipe, Tomas, Bartolome, Mateo, Santiago ya anak nen Alfeo, Simon a Patriota, tan si Judas ya anak nen Santiago. Kasabi rad abung a tutuloyan da, sinmegep ira tan linmoob irad sakey a kuarto.

Saray Gawgawa 1:13 Referans Kwoze

Saray Gawgawa 20:8

Amayamay dimay silew ed kuartod tagey a nantitiponan mi.

Lucas 22:12

Itoro tod satan so sakey a maawang a kuarto ed tagey, a wala la ray ikanan kagawaan ya akaparaan. Iparaan yo ray amin diman.”

Marcos 14:15

Itoro tod satan so sakey a maawang a kuarto ed tagey, a wala la ray ikanan kagawaan ya akaparaan. Iparaan yod may pandeman tayo.”

Marcos 2:14

Nen manaakar si Jesus anengneng toy Levi ya akayorung ed opisina to. Sumisingil na buis si Levi ya anak nen Alfeo. Inkuanen Jesus ed sikato, “Tombuk kad siak.” Inmalagey si Levi tan akilad sikato.

Santiago 1:1

Sayan sulat nanlapud kinen Santiago, aripen na Dios tan say Katawan a Jesu-Cristo: Ibabano ta kayon amin a totooy Dios, amin yon akaykayat ed intiron mundo.

Saray Gawgawa 12:17

Balet si Pedro sininyasan to ran mandeen, insan to tinongtong ed sikara no panoy impangipaway na Katawan ed sikato diad prisowan. “Ibalita yo yad kinen Santiago tan saray arum ya agagi,” inkuanto. Inmalis lad satan, tan linmad arum a pasen.

Saray Gawgawa 2:38

Inmebat si Pedro ed sikara, “Magbabawi kayod saray kasalanan yo, tan mampabinyag kayod ngaran nen Jesu-Cristo, et diad ontan, napirdona ray kasalanan yo. Awaten yo met ed satan so Ispiritu Santo a panangaroy Dios.

Judas 1:1

Sayan sulat nanlapud kinen Judas ya aripen nen Jesu-Cristo, tan agi nen Santiago— Diad saray tinawag na Dios a mambibilay irad panangaroy Dios Ama tan panagtalima nen Jesu-Cristo:

TAGA GALACIA 2:9

Naamtaan di Santiago, Pedro, tan Juan, saray nabibirbir a lusek na iglisia, a say Dios so angiter ed siak na sayan nidoman kimey. Kanyan pinasamano da kami nen Bernabe a tanda na impangawat dad sikamin kakimeyan da. Nampapaknaan min onla kamid saray Hintil, tan onla ra balet ed saray Judio.

TAGA GALACIA 1:19

Anggapo lay arum ya anengneng kon apostol likud ed kinen Santiago ya agi na Katawan.

Saray Gawgawa 15:13

Kasumpal da, sinmoblay a nansalita si Santiago. Inkuanto, “Agagi, dengel yo ak pa.

Saray Gawgawa 4:19

Balet inmebat ira di Pedro tan Juan, “Sikayo lan diliy manintinsia no dinay maptek ed arap na Dios: say pangonur ed sikayo, o say pangonur ed Dios.

Saray Gawgawa 4:13

Mankelaw iray kabyangay Sanidrin ed tepel na linawa di Pedro tan Juan. Lalon mankelaw ira nen naamtaan da ya ordinario labat iran totoo, tan anggapoy aral da. Naamtaan dad satan a kabkaiba ray Jesus nen saman.

Saray Gawgawa 2:14

Inmalagey si Pedro a kaiba to ray labinsakey ya apostol, tan nansalitay maksil, “Kaparak iran Judio tan amin yon manaayam ed Jerusalem, dengel kayon maung ed ibagak, ta ipatalus ko yay nagagawa.

Juan 21:2

Nanoolup ira di Simon Pedro, Tomas (ya apangaranay Siping), Nataniel (a taga Cana ed Galilea), saray anak nen Zebedeo tan duara nin disipulo nen Jesus.

Juan 18:17

Tinepet na samay biin bantay na puirta ed kinen Pedro, “Ag ta sakey kad saray disipulo to man a too?” “Andi pa,” ebat nen Pedro.

Juan 11:16

Si Tomas a tatawagey Siping inkuantod saray kapara ton disipulo, “Mila tayod Maistro, pian ompatey itayon kaiba to.”

Marcos 14:33

Intagar to ra balet di Pedro, Santiago, tan Juan. Insan agunigon a maung tan apagaan

Marcos 9:2

Kasumpal na anem agew, intagar nen Jesus iran talo labat di Pedro, Santiago, tan Juan, insan tinmakdang ira ed atagey a palandey. Nen wadman ira, naimatunan da a naoman so nengneng nen Jesus.

Marcos 5:37

Anggapoy inabuloyan nen Jesus a milad sikato no ag si Pedro tan saray sanagin Santiago tan Juan labat.

Mateo 9:9

Inmalis si Jesus manlapud saman a lugar. Nen manaakar anengneng toy Mateo, sakey a sumisingil na buis, ya akayorung ed opisina to. Inkuanen Jesus ed sikato, “Tombuk kad siak.” Inmalagey si Mateo tan akilad sikato.

2 Juan 1:1

Sayan sulat nanlapud Masiken— Diad apilin Bii tan saray anak to, a petepeteg iran inararok. Siak tan amin met iray makaamtay katwaan so mangaarod sikayo,

1 CORINTO 15:7

Pinmanengneng met ed kinen Santiago, insan diad saray amin ya apostol.

Juan 14:22

Tinepet nen Judas ed kinen Jesus (aliwa yan si Judas Iscariote), “Akin et ipaamtam so sikan dili ed sikami, aliwan diad sankamundoan?”