Saray Bilang 8:7 - Maung A Balita Biblia

⁷ onung ed onggendan a sirimonya: walsikan mo ra na danum a panaglinis, pakiskisan moy intiron laman da tan paipesak mod sikara so kawes da. Diad saya magmaliw iran malinis onung ed ganggan.

Maung a Balita Biblia

⁷ onung ed onggendan a sirimonya: walsikan mo ra na danum a panaglinis, pakiskisan moy intiron laman da tan paipesak mod sikara so kawes da. Diad saya magmaliw iran malinis onung ed ganggan.

Saray Bilang 8:7 Referans Kwoze

Saray Bilang 19:13

Siopamay maniwit na bangkay tan ag to linisan so sikaton dili et siansian marotak onung ed ganggan, lapud ag asibuan so laman to na danum a panaglinis. Dotakan to so Tulda na Katawan, et ag la nibilang a sakey ed saray totoo na Dios.

Levitico 8:6

Si Moises inyakar tod arap ira di Aaron tan saramay anak ton lalaki, insan to ra inames onung ed ganggan.

Puyan 7:14

“Ag ko amta,” ebat ko. “Sikayoy makaamta.” Inkuantod siak, “Sikara yay totoon akaliktar ed baleg a kairapan. Inorasan tan pinapoti ray kawes da ed dala na Kordiro.

1 Pedro 3:21

Sayan danum aliling toy binyag a mangilaban ed sikayo natan. Say binyag et aliwan panlinis na dotak na laman, no ag ingen say sipan ed Dios a nanlapud sakey a malinis a konsinsia. Ilaban kayoy binyag diad panamegley na inkiolid bilay nen Jesu-Cristo,

Santiago 4:8

Singger kid Dios, et onsingger ed sikayo. Orasan yoy lima yo, sikayon makasalanan! Linisan yoy puso yo, sikayon mansimpisimpitan!

Saray Hebreo 9:13

Say dala na saray kanding tan saray bakan kalakyan tan say dapul na pinoolan a bakan kilaw iwalsik irad totoon nipasen a marotak tan, diad ontan, nipasen iran malinis, onung ed ganggan.

Saray Hebreo 9:10

Sarayan totontonen et nipaakar ira labat ed kakanen, iinomen, tan saray nandoroman panaglinis. Susumpalen ira labat nipaakar ed laman, tan walay kana ra labat anggad pangoman na Dios ed amin a bengatla.

Ezekiel 36:25

Walsikan ta kayoy malinis a danum tan linisan ta kayod saray amin a talintaoy diriyos yo tan diad amin a bengatlan nandotak ed sikayo.

Jeremias 4:14

Jerusalem, ekalan moy kaogsan so pusom, pian nagamuran moy kilalaban. Kapigan mangangga so pannununot moy kaogsan?

Isaias 52:15

Balet natan amayamay a bansay mankelaw ed sikato, tan diad pankelaw da ray arari ag ira makaskasel. Nanengneng tan natalusan day ag da ni akabatan nen saman.”

Saray Salmo 51:7

Ekal mo pay kasalanan ko, et magmaliw ak a malinis; orasan mo ak pa, et magmaliw ak ya ampoti-poti.

Saray Salmo 51:2

Orasan mo ak pad amin a kaogsan ko tan linisan mo ak pad amin a kasalanan ko!

Saray Bilang 31:20

Nepeg met a linisan yo onung ed ganggan so balang kawes tan amin a bengatlan ginawad katat, bagoy kanding, odino kiew.”

Levitico 16:28

Say toon mamool ed saraya et nepeg ya ipesak toy kawes to tan manames kasakbayan ya ompawil ed kampo.

Levitico 15:27

Siopamay makadiwit ed saraya et marotak; nepeg ya ipesak toy kawes to tan manames, tan siansian marotak ya anggad labi.

Levitico 15:6

odino onirung ed inirungan to et nepeg ya ipesak toy kawes to tan manames, tan siansian marotak ya anggad labi.

Exodo 19:10

et say Katawan kuantod sikato, “Laka, ta ibagam ed saray totoo a diad sayan agew tan nabwas et mamparaan iran mangigalang ed siak: linisan day sikaran dili tan ipesak da ray kawes da.

Genesis 35:2

Kanyan inkuanen Jacob ed pamilya to tan amin a kaiba to, “Ibantak yo ray diriyos na arum a bansa ya awit yo; linisan yoy sikayon dili, insan kayo mampales na malinis.

Saray Bilang 8:21

Saray Levita et nilinisan day sikaran dili tan impesak da ray kawes da, et si Aaron insaklang to ra a nidoma-doman rigalo ed Katawan. Sikato met so anumpal na sirimonya a panlinis ed sikara.