Saray Bilang 8:2 - Maung A Balita Biblia

² “Ibagam ed kinen Aaron a no ilira to ray pitoran lamparaan ed panangipatoonan, say liwawa et nepeg ya onwandag ed bendad arap.”

Maung a Balita Biblia

² Ibagam ed kinen Aaron a no ilira to ray pitoran lamparaan ed panangipatoonan, say liwawa et nepeg ya onwandag ed bendad arap.

Saray Bilang 8:2 Referans Kwoze

Exodo 25:37

Manggawa ka na pitoran lamparaan tan ipatoon mo rad panangipatoonan, pian onwandag ira ed bandad arap.

Puyan 4:5

Manlalapud man ed trono so kirmat, saray tanul, tan dalagorug na karul. Walay pitoran mandarlang a lamparaan ed arap na trono; sikara yay pitoran ispiritu na Dios.

Puyan 1:20

Sikato yay niamut a kabaliksan na pitoran bitewen a nanenengneng mon sankabembenan ko tan saray pitoran balituk a panangipatoonay lamparaan: saray pitoran bitewen sikaray anghil na pitoran iglisia, tan saray pitoran panangipatoonay lamparaan sikaray pitoran iglisia.

Puyan 1:12

Nilingaw kon nengnengen no siopay mitotongtong ed siak, et anengneng koy pitoran balituk a panangipatoonay lamparaan.

2 Pedro 1:19

Kanyan lalon binmiskeg so pananisia mid impulong na saray propita. Pankaabigan yo no imanoen yo ya, ta aliling toy lamparaan ya onsisindag ed kabilongetan, anggad isabiy Agew tan ibutay ed puso yo na kabontatalad kabwasan.

Juan 1:9

Onsasabi diad mundo so tuan silew tan sikatoy mangiiter na liwawa ed saray katoowan.

Mateo 5:14

“Sikayoy silew ed sankamundoan. Ag niamut so siudad a walad tapew na pokdul.

Saray Salmo 119:130

Say pangipaliwawa na saray salitam et mangiter na liwawa tan kakabatan ed saray anggapoy pakatalus.

Saray Salmo 119:105

Say salitam et sakey a lamparaan a mangiwanwan ed siak, tan sakey a liwawad dalan ko.

Levitico 24:4

Si Aaron et asikasoen to ray lamparaan a walad saray panangipatoonan a puron balituk tan pampagaan to a mandarlang iran naynay ed arap na Katawan.

Exodo 40:25

tan diad arap na Katawan sinelselan to ra may lamparaan onung na ingganggan na Katawan.

Exodo 37:23

Nanggawa na pitoran lamparaan a para samay panangipatoonan, tan nanggawa na saray puron balituk a panagpotut na pabilo tan saray delsangan.

Isaias 8:20

Onya so iyebat mod sikara, “Dengel yoy ibabangat ed sikayo na Katawan! Ag yo dedengelen iray managpanon ed saray ispiritu na inaatey—ag da napaandi so gunigon.”

Saray Bilang 8:1

Say Katawan kuantod kinen Moises,

Saray Bilang 8:3

Inmonur si Aaron kanyan inlira to ray lamparaan ya onwandag so liwawa ra ed arap na panangipatoonan.

Exodo 39:37

say puron balituk a panangipatoonan na lamparaan, saray lamparaan to, amin a kagawaan to, tan say larak a para saray lamparaan;