Saray Bilang 8:12 - Maung A Balita Biblia

¹² Insan saray Levita itapew da ray kalimaan da ed kaoloan da ra may duaran bakan kalakyan; samay sakey ibagat a para kasalanan tan samay sakey isaklang a bagat a popoolan, pian nagawa so sirimonya na panaglinis ed saray Levita.

Maung a Balita Biblia

¹² Insan saray Levita itapew da ray kalimaan da ed kaoloan da ra may duaran bakan kalakyan; samay sakey ibagat a para kasalanan tan samay sakey isaklang a bagat a popoolan, pian nagawa so sirimonya na panaglinis ed saray Levita.

Saray Bilang 8:12 Referans Kwoze

Exodo 29:10

“Iyakar mod arap na Tuldan Ayamay Katawan so bakan kalakyan tan ibagam ed kinen Aaron tan saray lalakin anak to ya itapew dad olo to iray kalimaan da.

Saray Hebreo 9:22

Onung ed Ganggan, amin lawarin bengatla et lilinisan na dala; tan no anggapoy onterter a dala, anggapoy pakapirdonay kasalanan.

Levitico 8:14

Insan si Moises inyakar to may kilaw na bakan kalakyan ya ibagat a para kasalanan, et si Aaron tan saray lalakin anak to intapew dad olo na samay baka iray kalimaan da.

Levitico 1:4

Samay too itapew tod olo na samay baka so lima to, et diad ontan naawat imay baka a sakey a bagat a mangekal na saray kasalanan to.

Saray Bilang 8:8

Insan irad satan mangyakar na sakey a kilaw a bakan kalakyan tan say kaukolan a bagat a trigo a salanti say arinan nikames ed larak na oliba; mangyakar ka met na sananey a bakan kalakyan ya ibagat a para kasalanan.

Saray Bilang 6:16

Say pari iyapay to ra yan amin ed Katawan tan isaklang to may bagat a para kasalanan tan samay bagat a popoolan.

Saray Bilang 6:14

tan iyapay tod Katawan so taloran ayep ya anggapoy deral na laman da: sakey taon a kordiron kalakyan a para bagat a popoolan, sakey taon a kabatyan a kordiron ibagat a para kasalanan, tan sakey taon a karniron kalakyan ya ibagat a para kareenan.

Levitico 16:21

Itapew ton duay lima to ed olo na samay kanding tan ipatua to dia iray amin a kaogsan, kasalanan, tan kasusumlang na saray totood Israel. Diad onya, niyalis to ra ya ed olo na samay kanding. Samay kanding et ibolus ed kalawakan na sakey a lakin apilin manggawa ed saya.

Levitico 16:11

No ibagat nen Aaron imay bakan kalakyan a para saray kasalanan to tan saray kasalanan da ray kabyangay pamilya to,

Levitico 16:6

Mangibagat na sakey a kalakyan a baka a pangekal ed saray dilin kasalanan to tan saray kasalanan da ray kabyangay pamilya to.

Levitico 14:22

Mangyakar met na duaran palekpek odino duaran malangwer a malapati; say sakey ibagat a para kasalanan tan say sakey para bagat a popoolan.

Levitico 9:7

Insan to inkuan ed kinen Aaron, “Lakad altar ta isaklang mo so bagat a para kasalanan tay say bagat a popoolan a mangekal na saray kasalanan mo tan saray kasalanan na saray totoo. Isaklang mo yan bagat a mangekal na saray kasalanan na saray totoo onung na ingganggan na Katawan.”

Levitico 8:34

Ingganggan na Katawan so ginawa tayo natan, pian naekal so kasalanan yo.

Levitico 8:18

Kayari to ya, si Moises inyakar to may karniron kalakyan a para bagat a popoolan. Insan si Aaron tan saray lalakin anak to intapew dad oloy ayep iray kalimaan da.

Levitico 5:7

No say sakey a too et ag to nayarian so mangibagat na kordiro odino kanding lapud irap na bilay to, mangyakar ed Katawan na duaran palekpek odino duaran malangwer a malapati a pinagkabayar na kasalanan to; say sakey ibagat para kasalanan tan say sakey isaklang a bagat a popoolan.

Levitico 4:35

Ekalen to ray amin a taba to may ayep a singa pangekal ed taba na saray ayep a pinatey ya ibagat para kareenan, insan to ra poolan ed tapew na altar a pati saray bagat a popoolan a nisaklang ed Katawan. Diad onya say pari isaklang toy bagat a para kasalanan na sakey a too, et napirdona yan too.

Levitico 4:20

No antoy gawaen tod bakan kalakyan ya ibagat a para kasalanan ontan met so gawaen tod sayan bakan kalakyan; onya so pangisaklang toy bagat a para kasalanan da ray katoowan, et napirdona so kasalanan da.

Levitico 4:4

Iyakar tod lolooban na Tulda imay baka, itapew tod olo na baka so lima to, insan to pateyen diman diad arap na Katawan.

Levitico 4:15

saray pangulo na saray baley itapew dad olo na samay baka so kalimaan da, tan diman da pateyen imay baka.

Saray Bilang 8:13

“Isaklang mon nidoma-doman rigalod siak iray Levita, tan ipasen mon makaoley ed sikara si Aaron tan saray anak ton lalaki.

Levitico 8:15

Pinatey nen Moises imay baka tan inala to na dala. Insan diad panamegley na tamoro to pinoporanisan to na dala iray pinagkasaklur ed saray soyuk na altar pian nisaklang to. Kayari to ya, inibung tod leksab na altar so keran dala. Diad onya insaklang to tan nilinisan to onung ed ganggan.