Saray Bilang 6:18 - Maung A Balita Biblia

¹⁸ Diad lolooban na Tulda kiskisan na samay Nazareo so olo to insan to iyan so buek ed apoy a pakapopoolan na samay bagat a para kareenan.

Maung a Balita Biblia

¹⁸ Diad lolooban na Tulda kiskisan na samay Nazareo so olo to insan to iyan so buek ed apoy a pakapopoolan na samay bagat a para kareenan.

Saray Bilang 6:18 Referans Kwoze

Saray Gawgawa 21:24

Mila kad sikara tan gawa yoy panaglinis ya onung ed Ganggan, tan ibayaran mo met ira, pian makapampapoklis ira. Diad ontan, nakabatay amin a totoo ya aliwan tuay nadngelan dan nipaakar ed sika, no ag ta susumpalen mo met manayay Ganggan nen Moises.

Saray Bilang 6:9

No adotakan so nisaklang a buek na sakey a Nazareo lapud biglan inatey so toon walad abay to, nepeg a manalagar na pitoran agew insan to pakiskisay olo to tan say balbas to; diad ontan magmaliw a malinis onung ed ganggan.

Saray Gawgawa 18:18

Nanayam ni na amayamay ya agew si Pablo ed Corinto, insan nampatanir ed saray agagid man. Nen sinmabid Cencrea, nampapoklis lapud walay sinambaan to. Insan binmaliw lan onlad Siria, a kaiba to ray sanasawan Priscila tan Aquila.

TAGA-EFESO 1:6

Igalang tayo lapud makapakelaw a panangaro ton inter tod sikatayo diad panamegley na inararo ton Anak!

Saray Gawgawa 21:26

Nen ontombuk ya agew, inawit sirin nen Pablo ra may lalaki tan ginawa ray panaglinis ya onung ed Ganggan. Insan linmad Timplo tan impaamta to no kapigay kasumpal na niganan panaon na panaglinis, pian nisaklang so bagat a para balang sakey ed sikara.

Lucas 17:10

Ontan yo met. No asumpal yo lan amiy pagagawad sikayo, ikuanyo, ‘Magter kami labat ya aripen a nanggaway kanepegan mi!’”

Saray Bilang 6:5

Legan a sikatoy Nazareo, nepeg ya ag mampakatli odino mambalbas. Diad intiron panaon na inkisaklang tod Katawan nepeg a masanto, tan padokeyen toy buek tan balbas to.

Saray Gawgawa 21:23

Gawam so ibaga mid sika. Wala ra diay apatiran lalakin walay sinambaan da.

Saray Bilang 6:17

Samay karniron kalakyan iyapay tod Katawan a bagat a para kareenan, tan isaklang ton katekep na samay sanbaskit a tinapay; isaklang to met ira may bagat a trigo tan alak.