Saray Bilang 35:34 - Maung A Balita Biblia

³⁴ Ag yo dodotakan so dalin a panaayaman yo, lapud siak so Katawan tan manaayam ak ed kawalaan yon totood Israel.”

Maung a Balita Biblia

³⁴ Ag yo dodotakan so dalin a panaayaman yo, lapud siak so Katawan tan manaayam ak ed kawalaan yon totood Israel.

Saray Bilang 35:34 Referans Kwoze

Saray Bilang 5:3

Papaway mo ra yan amin a totoon marotak onung ed ganggan, pian ag da narotakan so kampo a panaayaman ko a kaibak iray totook.”

Saray Salmo 135:21

Idayew yoy Katawan diad Sion, diad Jerusalem a panaayaman to. Idayew yoy Katawan!

Puyan 21:27

Balet ag balut makaloob diman so antokaman a marotak. Ag met makaloob irad may marotak so panagbilay da tan saray matila. Saray nisulat so kangaranan dad libro na bilay a kayaryay Kordiro so makaloob labat ed siudad.

Oseas 9:3

Ag mansiansian manayam ed dalin na Katawan iray totood Israel, no ag ingen nepeg ya ompawil irad Egipto tan diad Asiria nepeg a mangan iray kakanen a marotak onung ed ganggan.

Isaias 57:15

“Siak so atagey tan masanton Dios a mambibilay ed ando lan ando. Manaayam ak ed atagey tan masanton pasen, balet manaayaman ak met ed kawalaan da ray mapaabeba tan magbabawin totoo, pian nipawil koy biskeg na linawa ra tan say ilalo ra.

Saray Salmo 132:14

“Diay panayaman ko ya anggad angga; diay labay kon panoleyan.

1 Saray Arari 6:13

Manayam ak ed pegley da ray totook ya Israelita diad sayan Timplo ya ipapaalagey mo, tan ag ko ran balut ikaindan.”

Exodo 25:8

Saray totoo et nepeg a manggawa ra na masanton Tuldan para siak, pian makapanayam ak ed kawalaan da.

Puyan 21:3

Arengel koy maksil a bosis a nanlapud trono tan inkuanto, “Natan, say abung na Dios wala lad pegley da ray katoowan! Miayam ed sikara, tan magmaliw iran totoo to. Nakaiba ra lawas so Dios, tan magmaliw a Dios da.

Isaias 8:12

“Ag ka mibibiang ed pankokomplut da ray totoo tan ag ka ontatakot ed tatakotan da.

Deuteronomio 21:8

Katawan pirdonam pa ray totoon Israelita ya impaway mod Egipto. Pirdona mo kami pa, tan ag mo kami tetelen ed impamatey ed toon anggapoy kasalanan.’

Deuteronomio 21:23

ag nepeg a natilak diman a sanlabi. Nepeg a nipompon ed saman met lamlamang ya agew, lapud say bangkay ya akabitin ed kiew et ipelag tod dalin so samba na Dios. Ipompon yoy bangkay, pian ag yo narotakan so dalin ya iiter ed sikayo na Katawan a Dios yo.

Jeremias 16:18

Mamidway belat so dusan iter kod sikara, lapud kasalanan tan kaogsan da; dinotakan day dalin ko na saray talintaon anggapoy bilay a singa bangkay, tan pinano ra na saray tila-tilan diriyos.”

Saray Bilang 16:3

Nantitipon ira ed arap di Moises tan Aaron tan kuandad sikara, “Nalalabas kayo la! Amin da ray totood Israel et kayaryan ira na Katawan, tan oolupen itayon amin na Katawan. Akin sirin, Moises, et ipapasen moy sikan dili ya atagey nen saray amin a katoowan?”

Deuteronomio 6:15

No mangigalang kayod arum a diriyos, ondalang a singa apoy so pasnuk na Katawan ed sikayo tan sigput to kayon pateyen, ta say Katawan a Dios yo a kaolup yo et maimon.

Ezekiel 35:10

“Imbagam a kayaryan mo ra may duaran bansa, say Juda tan say Israel, tan saray dalin da, tan sakopen mo ra, anggaman a siak a Katawan so Dios da.