Saray Bilang 35:33 - Maung A Balita Biblia

³³ No pambayaren yo, dotakan yoy dalin a panayaaman yo. Ta say pamatey na too et dotakan toy dalin, tan likud ed pamatey ed toon amatey anggapoy sirimonya a nayarin gawaen a makapanlinis ed dalin ya impamateyan ed sakey a too.

Maung a Balita Biblia

³³ No pambayaren yo, dotakan yoy dalin a panayaaman yo. Ta say pamatey na too et dotakan toy dalin, tan likud ed pamatey ed toon amatey anggapoy sirimonya a nayarin gawaen a makapanlinis ed dalin ya impamateyan ed sakey a too.

Saray Bilang 35:33 Referans Kwoze

Saray Salmo 106:38

Pinapatey da ra man ya ogogaw ya anggapoy kasalanan, et arotakay dalin lapud saman ya impanpapatey da.

Mikias 4:11

Nantitipon iray amayamay a bansa ya ondogpad sikayo. Kuanda, “Nepeg a naderal so Jerusalem! Nengnengen tayon aderal-deral yan siudad!”

Isaias 26:21

Say Katawan et onsasabin manlalapud mangatatawen a pasen ya ayaman to tan dusaen to ray totood mundo lapud saray kasalanan da. Nipaamta iray maamut ya impamatey diad tapew na dalin, tan say dalin ag to la iyamut iray apatey-patey.

2 Saray Arari 24:4

nagkalalo lad samay impamatey tod saray totoon anggapoy kasalanan. Ag napirdona na Katawan si Manases lapud saman a ginawa to.

2 Saray Arari 23:26

Balet ag ni kinmepa ya anggad natan so mapalalon pasnuk na Katawan ed Juda lapud saray ginagawa nen Ari Manases.

Levitico 18:25

Lapud saray kagagawa ra dinotakan da so dalin da, kanyan say Katawan dudusaen to so dalin tan gagawaen ton pagiten na sayan dalin iray totoon manaayam diman.

Genesis 9:6

Siopamay mamatey na too pateyen met na kapara ton too, ta apalsan kaolibay na Dios so too.

Saray Salmo 106:28

Insan akibabali ran angigalang ed Baal diad Peor tan angan ira na saray imbagat ed saray diriyos ya anggapoy bilay.

Deuteronomio 21:23

ag nepeg a natilak diman a sanlabi. Nepeg a nipompon ed saman met lamlamang ya agew, lapud say bangkay ya akabitin ed kiew et ipelag tod dalin so samba na Dios. Ipompon yoy bangkay, pian ag yo narotakan so dalin ya iiter ed sikayo na Katawan a Dios yo.

Genesis 4:10

Insan inkuan na Katawan, “Akin et onyay ginawam? Manlapud dalin, manakakis ed siak so dala na agim; singa bosis ya onkekerew na bales.

Saray Bilang 35:32

No say sakey a too et batik ed sakey a siudad a salimbengan, ag yo aabuloyan a mambayar pian makasempet la kasakbayan na ipatey na Pangulon Pari.

Deuteronomio 19:10

Gawa yoy onya pian ag ompatey iray anggapoy kasalanan. Diad ontan ag kayo mankasalanan ta ag yo ra pateyen ed dalin ya iiter ed sikayo na Katawan.

Saray Huis 9:24

Agawa ya, pian nabayaran day maoges a ginawa nen Abimelec tan saray totood Sikem ya anogsog ed sikato a mamatey ed saray pitomplon lalakin anak nen Gedeon.

1 Saray Arari 2:31

“Gawam so imbaga nen Joab,” ebat nen Solomon. “Patey mo tan ipompon mo. Diad satan anggapo lay ebatan ko tan siopaman nin kabyangay boleg nen David, lapud samay ginawa nen Joab nen pinatey to ray totoon anggapoy kasalanan.

Isaias 24:5

Dinotakan na saray totoo so mundo diad insusumlang dad saray ganggan na Dios tan diad impandederal dad andi-anggaan a sipanan.

Jeremias 16:18

Mamidway belat so dusan iter kod sikara, lapud kasalanan tan kaogsan da; dinotakan day dalin ko na saray talintaon anggapoy bilay a singa bangkay, tan pinano ra na saray tila-tilan diriyos.”

Jeremias 26:15

Balet onyay andi-duaruwan nagawa: no pateyen yo ak, sikayo tan saray totood sayan siudad et mankasalanan lapud impamatey yod toon anggapoy kasalanan, ta say Katawan so angibakid siak ya iter kod sikayo yan pasakbay.”

Deuteronomio 19:13

Ag yo kakasian. Paandipat yo yan managpatey na too, pian maung lawas so kipapasen yo.

2 Samuel 3:29

Pakadusaan ya komun nen Joab tan amin a kabyangay pamilya to. Diad kapag kailalakan, walan wala komuy lakin kabyangay pamilya to a mansakit na gonoriya, o kating, o say nayarian ton gawaen labat et say kimey na bii, o napatey ed bakal odino naerasan!”

2 Samuel 21:9

Impalima ra nen David ed saray totood Gabaon, insan da ra imbibitay ed palandey, diad arap na Katawan—inaatey iran amin a pito. Onggapo lay tiagew tan say panagani na sibada nen pinatey da ra.

2 Saray Awaran 23:15

Siningkat da, inyakar dad palasio insan da pinatey ed Puirtay Kabayo.