Saray Bilang 35:30 - Maung A Balita Biblia

³⁰ “Say toon naakusa lapud impakapatey toy too et nayari labat a sintinsiaan a nankasalanan tan pateyen diad panamegley na pantasi na duara odino masoluk a duaran too; say sakey a tasi et aliwan magenap a mamaneknek na impakapatey ed sakey a too.

Maung a Balita Biblia

³⁰ Say toon naakusa lapud impakapatey toy too et nayari labat a sintinsiaan a nankasalanan tan pateyen diad panamegley na pantasi na duara odino masoluk a duaran too; say sakey a tasi et aliwan magenap a mamaneknek na impakapatey ed sakey a too.

Saray Bilang 35:30 Referans Kwoze

Saray Hebreo 10:28

Pateyen ya anggapoy panangasi so siopaman ya ag mangonur ed Ganggan nen Moises no, lapud pantasi na duara o talora, et nalmoan a nankasalanan.

Mateo 18:16

Balet no ag to ka dengelen mangitagar kay sakey o duaran totoo, pian napaneknekan na duara o taloran tasi ray amin a pantongtongan yo.

Deuteronomio 19:15

“Kulang so sakey a tasi a mamaneknek a nankasalanan so toon naakusa; duara odino taloran tasi so nakaukolan.

2 CORINTO 13:1

Kumatlo la yan iyakar kod sikayo. “Antokaman a dalem, nepeg a paneknekay duara o taloran tasi,” onung na ibabagay Masanton Sulat.

1 Timoteo 5:19

Ag mo aawatey dalem a sumlang ed sakey a matakken no ag tasiay duara o taloran too.

Puyan 11:3

Ibakik so duaran tasik ya akakawes na sako, tan ipulong dan duay salitay Dios ed loob na sanlibo, duan lasus tan anemaplon agew.”

Juan 7:51

“Ag ta isesebel na Ganggan so panintinsiad sakey a toon ag ni atepetan tan ag ni amtay gagawaen to?”

Saray Bilang 35:16

“Balet no say sakey a too et mangikana na armas a balatyang odino bato odino kiew ed pamatey to, mankasalanan lapud impakapatey toy too, kanyan nepeg a pateyen.

Exodo 21:12

“Siopamay mangabil na kapara ton too tan apatey to, nepeg a pateyen.

Levitico 24:17

“Siopamay mamatey na kapara ton too, nepeg a pateyen,

Saray Bilang 35:31

Say toon mamatey na kapara ton too et nepeg a pateyen. Ag nayarin paliisan toy dusa na kasalanan to diad pambayar to na kuarta.

Deuteronomio 27:24

“‘Napelag komun so samba na Dios ed siopaman a maamut a mamatey na too.’ “Insan onebat iray amin a totoo, ‘Amen!’