Saray Bilang 35:20 - Maung A Balita Biblia

²⁰ “No kabosul na sakey a too so siopaman tan napatey to diad pangitulak to odino panupak tod sikato

Maung a Balita Biblia

²⁰ No kabosul na sakey a too so siopaman tan napatey to diad pangitulak to odino panupak tod sikato

Saray Bilang 35:20 Referans Kwoze

Exodo 21:14

Balet no say sakey a too et akapasnuk tan ginagala ton pinatay so kapara ton too, nepeg ya alaen a pateyen anggan binmatik lad altar ko.

Deuteronomio 19:11

“Balet antoy gawaen no bilang say sakey a too et ginagala ton pinatey so kalaban to, insan ombatik ya onsalimbeng ed sakey ed sarayan siudad?

2 Samuel 20:10

Balet ag naimano nen Amasa so ispadan sankabembenan nen Joab ed sakey a lima to. Indoyuk nen Joab so ispada ed eges nen Amasa et abuyak ed dalin so pait to. Inatey a tampol, kanyan ag la pinidua nen Joab. Insan intuloy nen Joab tan si Abisai ya agi to so onosil ed kinen Seba.

2 Samuel 3:27

Kasabi nen Abner ed Hebron, impaliis nen Joab ed puirta tan konwarin pitongtongan to, balet ta sinaksak tod eges. Kanyan apatey si Abner lapud pinatey toy Asael ya agi nen Joab.

Genesis 4:8

Insan inkuanen Cain ed kinen agi ton Abel, “Mamasyar ta ed kaalogan.” Nen wadman la ra, tinekmelan nen Cain si agi to tan pinatey to.

Saray Gawgawa 23:21

Balet ag mo ra panisisiaan, ta masoluk ya apataplon lalakiy kaiba ran manaalagar a manabat ed sikato. Sinambaan da ya ag ira mangan o oninom ya anggad ag da napatey. Akaparaan la ra natan. Aalagaren da labat so iyesel mo.”

Saray Gawgawa 20:3

tan nanayam dimay taloy bulan. Mamaarap la lawari ed Siria, balet abalitaan ton walay getma ray Judion mamatey ed sikato, kanyan ninunot to lay ondalan ed Macedonia diad ipawil to.

Lucas 4:29

Inmalagey ira, insan da impaway ed siudad. Inyakar dad toktok na nipalandey a pasen ya angipaalageyan na siudad da, insan da ipepelag.

Marcos 6:19

Kanyan ansakit so linawa nen Herodias ed kinen Juan. Labay to ni ingen a papatey, balet ag to ya nagawaan lapud kinen Herodes.

Probirbio 28:17

Say toon akapatey na kapara ton too et gaganatan ton kotkotan so dilin lobuk to. Ag mo babanoen.

Probirbio 26:24

Say toon mansimpisimpitan isasanib tod saray makapalikdon salita to so pambosul to.

Saray Salmo 11:2

ta saray totoon maoges pininat tan impaarap da la ray pana ra a mangena diad ambilonget ed saray totoon matonung.

2 Samuel 13:22

Ag lan balut akitongtong si Absalom ed kinen Amnon, lapud mapalalon pasnuk tod sikato ed impamasoot tod kinen Tamar.

1 Samuel 24:11

Nengneng mo, ama, nengneng mo yay sankabembenan kon parti na saloy na kawes mo! Apatey ta ka la komun, balet saya labat lay ginerger ko. Diam nanengneng ya anggapoy kanunutan kon onlaban ed sika o pasakitan ka. Aanapen mo ak a pateyen anggaman ya anggapoy ginawak a maoges ed sika.

1 Samuel 20:1

Insan tinmaynan si David manlapud Nayot, diad Rama, linmad kinen Jonatan tan kuantod sikato, “Antoy ginawak? Antoy kasalanan ko? Antoy maoges a ginawak ed kinen amam a pamateyan tod siak?”

1 Samuel 18:25

et si Saul ingganggan to ran mangibaga ed kinen David: “Say labay labat na ari ya ibayar mod sikato pian naasawam so marikit to et say baog na ngoroy kayaryan na sanlasus ya inatey a lalakin Filisteo, pian makabawid saray kalaban to.” (Onyay inisip nen Saul a pagawa; pian napatey na saray Filisteo si David.)

Genesis 4:5

balet ag akaliket ed kinen Cain tan samay bagat to. Mapalaloy pasnuk nen Cain tan binmilonget so lupa to.

Saray Bilang 35:19

Say sankaasinggeran a kanayon na pinatey so akaoley a mamatey na samay amatey. No narumog to, nepeg a pateyen to.

Saray Bilang 35:21

odino pamoniti to, sikatoy mankasalanan lapud impakapatey toy too, kanyan nepeg a pateyen. Say sankaasinggeran a kanayon na pinatey so akaoley a mamatey na samay amatey. No narumog to, nepeg a pateyen to.