Saray Bilang 35:2 - Maung A Balita Biblia

² “Ibagam ed saray Israelita a diad saray naawat dan kayaryan nepeg ya itdan da ray Levita na pigaran siudad a panayaman da tan dalin a panagpastolan ed kaliber-liber na saray siudad.

Maung a Balita Biblia

² Ibagam ed saray Israelita a diad saray naawat dan kayaryan nepeg ya itdan da ray Levita na pigaran siudad a panayaman da tan dalin a panagpastolan ed kaliber-liber na saray siudad.

Saray Bilang 35:2 Referans Kwoze

Ezekiel 48:8

Say onsoblay a parti na dalin et ibiig a nidoma-domay pangikanaan. Labinduan kilomitro so kaawang to manlapud baybay ya anggad abalaten, tan say karokey ton manlapud bokig ya anggad sagur et singa karokey na niiter ed balang tribu. Nipaalagey ed sayan parti so Timplo.

Saray Bilang 35:1

Diad saray patar na Moab ed nibaliw na Jordan manlapud Jerico say Katawan kuantod kinen Moises,

Saray Bilang 35:3

Kayaryanen ira ya na saray Levita tan panayaman da ra. Say dalin a panagpastolan et para saray baka ra tan saray arum ya ayayep da.

Deuteronomio 18:6

“Anggan siopan Levita a taga inerman a baley ed Israel et nayarian toy onla ed samay pasen a panangigalangan

2 Saray Awaran 11:14

Tinaynan na saray Levita iray pastolan da tan saray arum nin dalin da, insan linma rad Juda tan Jerusalem, lapud si Ari Jeroboam na Israel tan saray sinmalat ed sikato et ag da ra panlingkuren a papari na Katawan.

2 Saray Awaran 31:19

Diad saray paparin manaayam ed saray siudad a nipabetang ed saray kabyangay boleg nen Aaron, odino diad saray panagpastolan a sakop na sarayan siudad, wala ray napampiaan a lalakin mangibunog na kakanen ed amin a lalakin kabyangay pamilya na pari tan diad balang sakey a walad listaan na saray boleg na Levita.

1 Saray Awaran 13:2

Insan inkuantod saray totood Israel a nantitipon diman, “No abuloyan yo tan no sikatoy linaway Katawan a Dios tayo, pampabakian tayo ray arum nin kabansaan tayo, saray papari tan saray Levita diad saray baley da, tan paibaga tayod sikaran mitipon ira diad sikatayo.

Nehemias 13:10

Akabatan ko met a tinaynan na saray tumutogtog tan saray kumakanta, tan saray Levita so Jerusalem ta pinmawil irad kaalogan da. Onyay agawa, lapud kulang a pambilay da so iiter na totood sikara.