Saray Bilang 33:1 - Maung A Balita Biblia

¹ Say onggendan ya agawa iter to ray kangaranan na saray pasen ya angiliraan na saray Israelita na kampo ra kayari ran tinaynan so Egipto diad panangipangulo di Moises tan Aaron.

Maung a Balita Biblia

¹ Say onggendan ya agawa iter to ray kangarannan na saray pasen ya angiliraan na saray Israelita na kampo ra kayari ran tinaynan so Egipto diad panangipangulo di Moises tan Aaron.

Saray Bilang 33:1 Referans Kwoze

Mikias 6:4

Impaway ta kayo ed Egipto; inekal ta kayod impakaaripen; imbakik ira di Moises, Aaron, tan Miriam ya angiwanwan ed sikayo.

Saray Salmo 77:20

Diad panangipangulo di Moises tan Aaron, singa ka pumapastol ya angiwanwan ed saray totoom.

1 Samuel 12:8

Nen linmad Egipto si Jacob tan say pamilya to, pinapairap iray tagad man. Kinmerew na tulong iray lalaki yo. Imbaki na Katawan ed satan ira di Moises tan Aaron, a sikaray angipangulo ed intaynan dad Egipto tan angiter na panayaman da ed sayan dalin.

Josue 24:5

Insan imbakik ira di Moises tan Aaron, tan angiter ak na baleg a kairapan ed Egipto. Balet impaway ta kayo;

Exodo 13:18

Kanyan impasaliberber to ra la laingen ya ombeltang ed kalawakan tan ombaliw ed Dayat ya Ambalanga. Nen tinaynan day Egipto iray Israelita akaarmas ira na para bakal.

Exodo 12:51

Diad saman ya agew, say Katawan impaway tod Egipto iray boleg na saray Israelita.

Exodo 12:37

Manlapud Ramases nanakar ya amaarap ed Sukot iray Israelita. Sakey ya anem a lasus libo ran lalaki, ya andi bali ray bibii tan saray ogogaw.

Saray Bilang 33:2

Lapud ganggan na Katawan, insulat nen Moises so ngaran na kapag pasen a nankampoan da.

Saray Salmo 105:26

Insan imbaki toy aripen ton si Moises, tan si Aaron a pinili to ra.

Exodo 6:26

Di Aaron tan Moises so angibagaan na Katawan, “Ipangulo yon ipaway ed Egipto iray tribu na Israel.”

Exodo 12:41

Diad agew a mansamput so apat a lasus tan talomplon taon, amin da ray boleg na saray totoo na Katawan et tinaynan day Egipto.