Saray Bilang 3:7 - Maung A Balita Biblia

⁷ Sikaray makaoley ed saray kimey ed Tuldan Ayaman ko tan manlingkur ed saray papari tan amin da ray Israelita.

Maung a Balita Biblia

⁷ Sikaray makaoley ed saray kimey ed Tuldan Ayaman ko tan manlingkur ed saray papari tan amin da ray Israelita.

Saray Bilang 3:7 Referans Kwoze

Saray Bilang 1:50

Ipasen mo ingen a makaoley iray Levita ed Tuldan Ayaman ko tan amin a kagawaan to. Sikaray manawit na Tulda tan amin a kagawaan to, asikasoen da, tan ipasen day kampo ra ed kaliber-liber to.

Saray Bilang 8:15

No ayarim lan alinisan tan nisaklang iray Levita, magmaliw iran manepeg a mankimey ed Tulda.

Saray Bilang 8:11

insan si Aaron isaklang tod siak iray Levita a nidoma-doman rigalon nanlapud saray Israelita, ta gawaen day kimey ko.

1 Saray Awaran 26:26

Si Zelomit tan saray kabyangay pamilya to so makaoley ed amin da ray rigalon nisaklang ed Dios; saray angisaklang ed sarayan rigalo et di Ari David, saray pangulo da ray pamilya, saray pangulo da ray olup na boleg, tan saray opisyal da ray sondalo.

1 Saray Awaran 26:22

Saray duaran arum nin anak nen Ladan a di Zetam tan Joel et makaoley irad pananginay kayamanan na Timplo tan saray kuarton panagsinupan.

1 Saray Awaran 26:20

Saray arum a kapara ran Levita et makaoley irad pananginay kayamanan na Timplo tan saray kuarton panagsinupan na saray rigalon nisaklang ed Dios.

Saray Bilang 31:30

Diad betang da ray totoo, mamawas ka na sakey a priso ed kapag limamplo; ontan met so gawaen mod saray baka, asno, karniro, tan kanding. Iter mo rad saray Levita a makaoley ed Tulda na Katawan.”

Saray Bilang 3:32

Si Eleazar a lakin anak nen Aaron so pangulo da ray Levita. Sikatoy makaoley ed saray mankikimey ed Masanton Pasen.

Levitico 8:35

Diad loob na pitoran agew nepeg a manayam kayod mad lolooban na Tulda diad agew tan labi tan gawa yoy ingganggan na Katawan. No ag yo sumpalen, ompatey kayo. Sikato ya so ingganggan na Katawan ed siak.”

Saray Bilang 3:8

Sikaray makaoley ed amin a kagawaan na Tulda tan manlingkur ed saray arum nin Israelita.

Saray Bilang 1:53

Balet saray Levita mankampo ra ed kaliber-liber na Tulda tan guardiaan da, pian anggapoy makaasingger et ag ondapoy pasnuk ko ed amin a totood Israel.”