Saray Bilang 3:6 - Maung A Balita Biblia

⁶ “Yakar mo diad arap iray kabyangay tribu nen Levi tan torom iran katulong nen Aaron a pari.

Maung a Balita Biblia

⁶ Yakar mo diad arap iray kabyangay tribu nen Levi tan torom iran katulong nen Aaron a pari.

Saray Bilang 3:6 Referans Kwoze

Malakias 2:4

Insan nakabatan yo ya inter kod sikayo yan ganggan, pian ag naderal so impisipanan kod saray paparin kabyangan iray boleg nen Levi.

Deuteronomio 10:8

Diad palandey say Katawan tinoro to ray lalakin kabyangay tribu nen Levi a sikaray makaoley ed Kaban na Sipanan, manlingkur irad sikato, tan sikaray mamindision ed ngaran to. Saraya ni so kimey da ya anggad natan.

Saray Bilang 2:33

Onung na ingganggan na Katawan ed kinen Moises, ag nibilang iray Levita ed sayan listaan da ray Israelita.

Saray Bilang 2:17

Diad pangyalis ed Tulda saray Levita so manawit a pegleyen ira na saramay ononan duaran olupan tan saray duaran samput ya olupan. Diad ikurang da balang olupan mansiansia ed gendat ya oksuy tod kampo diad silong na dilin bandira to.

Saray Bilang 3:5

Say Katawan kuantod kinen Moises,

1 Saray Awaran 23:32

Sikaray makaoley a mangasikasod Tuldan Ayamay Katawan tan say Timplo. Sikara met so ontulong ed saray kakanayon dan papari a kabyangay boleg nen Aaron, diad panangigalang ed dalem na Timplo.

2 Saray Awaran 29:11

Anak ko, ag kayo la manaabala. Sikayo ray pinili na Katawan a mampool na insinso ed sikato tan sikayo ray mangipangulo na saray totoo ed pangigalang ed sikato.”

Esdras 6:18

Nipasen ed saray kanepegan dan kimey ed Timplod Jerusalem iray papari tan saray Levita, onung na saray ibabagay nisulat ed libro nen Moises.

Saray Bilang 18:21

Say Katawan kuanto, “Impabetang kod saray Levita iray amin a kakaplo ya isaklang ed siak na saray Israelita. Pambayar ya ed sikara lapud panaglingkur dad Tuldan Ayaman ko.

1 Saray Awaran 6:33

Saraya so pamilya a nambemben na sayan kimey. Diad boleg nen Coat: Heman, say pangulo na ononan grupoy kumakanta. Si Israel so sengeg na boleg nen Heman ya anak nen Joel ya anak nen Samuel,

1 Saray Awaran 15:2

Insan inkuanto, “Saray Levita labat so nepeg a manawit na Kaban na Sipanan, ta sikara labat so pinili ton manawit ed saya tan manlingkur ed sikato diad ando lan ando.”

1 Saray Awaran 23:28

Saray kimey da et say itulong dad saray paparin kabyangay boleg nen Aaron diad panangigalang ed dalem na Timplo, say pangasikasod saray solar tan saray kuarto na Timplo, tan say pangimanon ag narotakan iray amin a bengatlan masanto.