Saray Bilang 3:3 - Maung A Balita Biblia

³ Alanaan iray larak tan nisaklang iran papari;

Maung a Balita Biblia

³ Alanaan iray larak tan nisaklang iran papari;

Saray Bilang 3:3 Referans Kwoze

Exodo 28:41

Isolung mo ra yan kawes ed kinen agim ya Aaron tan saray anak ton lalaki. Insan mo ra ikonsagra tan isaklang diad panlanam ed sikara na larak na oliba, pian makapanlingkur iran papari ed siak.

Levitico 8:30

Inala nen Moises imay larak ya ipopoyuk tan angala na daiset a dala a walad tapew na altar tan inwalsik tod kinen Aaron tan diad saramay anak to; winalsikan to met iray kawes da. Diad onya inkonsagra to rad Katawan pati saray kawes da.

Levitico 8:12

Kinonsagra toy Aaron diad impangikalbo tod olo to na larak a panaglana.

Saray Hebreo 7:28

Saray pangulon papari ya apili ra onung ed Ganggan nen Moises et wala ray kakapoyan da; balet say sipan a tinekepay samba, a naonur a sinmabi nen say Ganggan, tinoro toy Anak ya agawan nagnap ya andi-anggaan.

Exodo 40:15

Insan mo ra lanaan na larak na oliba a singa impanlanam ed ama ra, pian makapanlingkur iran papari ed siak. Sayan panlanam ed sikara gawaen to ran papari ed amin a panaon ya onsabi.”

Exodo 40:13

Solungan mo si Aaron na kawes na pari, lanaan mo na larak na oliba tan isaklang mo, pian makapanlingkur a sakey a pari ed siak.

Saray Bilang 3:4

balet inatey ira di Nadab tan Abiu nen angisaklang irad Katawan na aliwan masanton apoy diad Kalawakan na Sinai. Anggapoy anak da, kanyan di Eleazar tan Itamar so nanlingkur a papari legan na impanbilay nen Aaron.

1 Saray Awaran 23:6

Si David impankatlo ton grupo iray Levita, onung ed saray boleg da: Gerson, Coat, tan Merari.