Saray Bilang 29:39 - Maung A Balita Biblia

³⁹ Sikara ya so totontonen a nipaakar ed saray bagat a popoolan, saray bagat a trigo, saray bagat ya alak, tan saray bagat a para kareenan ya iyapay yo rad Katawan no silibraan yo ray niganan pista yo. Sikara yay a kaaruman na saray bagat ya isaklang yo diad panumpal yoy insipan yo odino isaklang yo ran bagat a manlapud mabolus a linawa.

Maung a Balita Biblia

³⁹ Sikara ya so totontonen a nipaakar ed saray bagat a popoolan, saray bagat a trigo, saray bagat ya alak, tan saray bagat a para kareenan ya iyapay yo rad Katawan no silibraan yo ray niganan pista yo. Sikara yay a kaaruman na saray bagat ya isaklang yo diad panumpal yoy insipan yo odino isaklang yo ran bagat a manlapud mabolus a linawa.

Saray Bilang 29:39 Referans Kwoze

Levitico 23:2

iray onggendan a totontonen a tombuken na saray totood Israel no mampista ra diad pangigalang dad Katawan.

2 Saray Awaran 31:3

Naniiter so ari na dilin ayayep to ya isaklang a bagat a popoolan kapag kabwasan tan labi, tan saray ibagat no Agew na Panagpainawa, Pistay Balon Bulan, tan arum ni ran pista onung na nisulat ed Ganggan na Katawan.

1 Saray Awaran 23:31

tan kapag isaklang so bagat a popoolan no Agew na Panagpainawa, no Pistay Balon Bulan, tan no arum iran pista. Wala ray totontonen a mangibaga no pigaray Levitan manggawa ed sayan kimey da. Say pangigalang ed Katawan so kimey lawas na saray Levita.

Isaias 1:14

Kabosul ko ray Balon Bulan a Pista yo tan saray masanton agew yo. Ag ko la ra naanosan a sakbaten.

Nehemias 10:33

Iter mi ray onggendan a nakaukolan ed panangigalang ed Timplo: say masanton tinapay, say inagew-agew a bagat a trigo, saray ayayep ya isaklang a bagat a popoolan ya inagew-agew, saray masanton bagat a para saray Agew na Panagpainawa, saray Pista na Balon Bulan, tan saray arum a pista, saray arum a masanton bagat, saray bagat a pangekal na saray kasalanan na Israel, tan arum nin nakaukolan para Timplo.

Esdras 3:5

Niarum ed sarayan bagat so inagew-agew ya isasaklang iran bagat a popoolan, saray bagat ya isasaklang no Pistay Balon Bulan, saray bagat kapag mantitipon ira a mangigalang ed Katawan, tan saray bagat a manlapud mabulos a linawa ya isasaklang na saray totoo ed Katawan.

Levitico 7:11

Saray onggendan a totontonen et nipaakar ed pangisaklang ed Katawan na saray bagat a para kareenan.

1 CORINTO 10:31

Kanyan sirin, mangan kayo man odino oninom, o anggan antoy gawaen yo, gawa yon amin a pakagalangan na Dios.

Deuteronomio 12:6

Diman yo iyakar iray isaklang yon bagat a popoolan tan saray arum a bagat, say kakaplo na saray kayaryan yo, tan saray bagat yo, saray rigalon isipan yon iter ed Katawan, saray bagat yon manlapud mabolus a linawa yo, tan saray besag ya anak na saray baka tan saray karniro yo.

Saray Bilang 6:21

Sikara yay ganggan a nipaakar ed saray Nazareo, balet no say sakey a Nazareo et isipan ton pasolukan toy sakey a bagat so nepeg ton iyapay onung na inkisaklang to, nepeg ton sumpalen so insipan to.

Levitico 23:28

Ag kayo mankikimey ed satan ya agew, lapud sikatoy agew a panggawa na sirimonyan pangekal na kasalanan.

Saray Bilang 29:40

Kanyan si Moises imbaga tod saray totood Israel iray amin ya ingganggan ed sikato na Katawan.

Amos 5:22

No mangyakar kayod siak na saray bagat a popoolan tan saray bagat a trigo ag ko ra awaten. Ag ko awaten iray pinataba yon ayayep ya iyakar yon bagat ed siak.

Levitico 23:38

Sarayan pista et kaaruman ira na saray Agew na Panagpainawa, tan sarayan bagat et kaaruman ira na saray rigalon isasaklang yo, saray bagat a panumpal yod saray sipan yo, tan saray bagat a pinalapud mabolus a linawa ya iter yod Katawan.)

Saray Bilang 28:2

a bilinen to ray Israelita a mangyapay irad Dios diad saray niganan panaon na saray bagat a popoolan a makapaliket ed sikato.

2 Saray Awaran 31:14

Si Core a lakin anak nen Imna tan sakey a Levita a pangulo da ray guardia ed Puirtay Bokig na Timplo, so makaoley a manawat tan mangibunog na saray rigalon nisaklang ed Katawan.

Esdras 3:4

Sinilibraan da so Pista na saray Abung-abung onung ed saray totontonen a nisulat, tan kapag agew angisaklang ira na saray bagat a nakaukolan ed saman ya agew.