Saray Bilang 24:9 - Maung A Balita Biblia

⁹ Say bansa et singa makapanyarin lion; No akaogip anggapoy makakpel a mamangon. Siopamay mamindision ed Israel et nabindisionan Tan siopamay mangisamba ed Israel et nisamba.”

Maung a Balita Biblia

⁹ Say bansa et singa makapanyarin lion; No akaogip anggapoy makakpel a mamangon. Siopamay mamindision ed Israel et nabindisionan Tan siopamay mangisamba ed Israel et nisamba.

Saray Bilang 24:9 Referans Kwoze

Genesis 12:3

Bindisionan ko ray mamindision ed sika, Balet isambak iray mangisambad sika. Diad panamegley mo bindisionan kon amin iray bansa ed mundo.”

Genesis 27:29

Magmaliw komun ya aripen mo ray bansa, tan ontuek komun ed sika ray totoo. Oleyan mo komun ya amin iray kakanayon mo tan ontuek ed sika komun iray kabyangay boleg nen inam. Nisamba komun iray mangisambad sika, tan nabindisionan komun iray mamindision ed sika.”

Genesis 49:9

Si Juda et singa lion. Papateyen to ray labay ton pateyen, insan ompapawil ed balaung to. Maninat-inat tan mandokul-dokul. Anggapoy makakpel a manigensigen ed sikato.

Saray Bilang 23:24

Say bansan Israel et singa masebeg a lion: Ag mandeen anggad abuag to lay narel to, Anggad nainom to lay dala na apatey to.”

Mateo 25:45

Onebat so Ari ed sikara, ‘Kuankod sikayo: nen ag yo tinulongan so sakey a sankamelagan ed saraya, ag yo ak tinulongan.’

Mateo 25:40

Onebat so Ari ed sikara, ‘Kuankod sikayo: nen ginawa yo yad anggan sakey a sankamelagan ed sarayan agagik, ginawa yod siak!’

Saray Gawgawa 9:5

“Siopa ka, Katawan?” tepet to. Inmebat imay bosis, “Siak si Jesus a papairapen mo.

Saray Salmo 122:6

Pikasi yoy kareenan na Jerusalem: “Onaligwas komun iray mangaarod sika!

Saray Salmo 2:12

tan dakmomo kayod sikato; ta no andi, maganon ompetang so olo to, et biglan ompatey kayo. Maliket ya amin iray ondaragon paiyagel ed sikato.

Say Libro nen Job 41:10

Masebesebeg no sikatoy nasigensigen; anggapoy ompangayan miarapan ed sikato.

Exodo 23:22

Balet no onuren yo tan sumpalen yo ray amin ya ingganggan ko, siak so mibakal ed saray amin a kalaban yo.

Saray Bilang 22:6

Dakel ira nen say sikami kanyan ipangasim pan isamban ira para siak. Diad ontan natalo mi ra angangko tan napataynan mi ra ed paway na dalin. Amtak a no mamindision kay too, nabindisionan a tua, tan no mangisamba kay too, nisamban tua.”

Saray Bilang 22:12

Say Dios kuantod kinen Balaam, “Ag ka mimilad sarayan totoo, tan ag mo isasamba ray Israelita, ta walad sikara so bindision ko.”

Saray Bilang 24:10

Inelet nen Balak so poniti to diad gaway pasnuk to tan kuantod kinen Balaam, “Tinawag ta kan mangisamba ed saray kalaban ko, balet amitlom iran binindisionan lalaingen.

Isaias 31:4

Inkuan na Katawan ed siak, “Anggan panon so paningal tan paneyag na saray pastol, ag da napatakot so lion pian arawian toy pinatey ton ayep; ontan met, anggapoy makabanod siak ed pangyagel kod Palandey na Sion, siak a Katawan a Makapanyarin-amin.

Mikias 5:8

Saray atilak ed saray bansa et magmaliw iran singa lion a manaanap ed takel odino diad pastolan na kanen to; onlad kawalaan da ray karniro, tekmelan to ra, tan bingbingkasen to ra—et anggapoy makapangyagel.

Deuteronomio 30:7

Ipelag to ra yan amin a samba ed saray kalaban yo ya amosul tan amairap ed sikayo;

2 Saray Awaran 9:18

Anemiray balitang to yan trono tan walay apakan na sali ya inokupan na balituk. Diad diking na balang panangitapeway lima walay kinortin akaalagey a lion.

Ester 6:13

Imbaga tod asawa to tan amin a kakaaro iray amin ya agawad sikato. Insan samay asawa to tan saramay makabat a kakaaro to inkuandad sikato, “Nababalang mo lay pakayarim tan niyaalis ed kinen Mardokeo. Sakey a Judio, kanyan ag mo nalabanan. Andi-duaruwan taloen to ka.”