Saray Bilang 24:6 - Maung A Balita Biblia

⁶ Singa ra saray andorokey a dasig na ilog, Odino saray tanamanan ed gilig na ilog, Singa ra saray aloe ya intanem na Katawan Odino saray kiew a sidro ed pangdel na ilog.

Maung a Balita Biblia

⁶ Singa ra saray andorokey a dasig na ilog, Odino saray tanamanan ed gilig na ilog, Singa ra saray aloe ya intanem na Katawan Odino saray kiew a sidro ed pangdel na ilog.

Saray Bilang 24:6 Referans Kwoze

Saray Salmo 1:3

Aliling toy kiew a nitanem ed abay na managos a danum; mambubunga no panaon to tan ag namamagaan iray bolung to. Onaaligwas iray amin a gagawaen to.

Isaias 58:11

Iwanwan ta kayo lawas tan penekan ta kayo na maabig iran bengatla. Pansiansiaen ta kayon mabiskeg. Magmaliw kayon singa sakey a tanamanan a walay daakan a danum to, singa sobul na danum ya ag balut naekatan.

Saray Salmo 104:16

Napepenek na danum iray kiew a sidro na Libano, saray kiew a kayaryan tan intatanem na Katawan.

Joel 3:18

Diad satan a panaon napano na kaubasan iray kapalandeyan, tan nawalaan na baka so balang pokdul; nawalaan na daakan a danum so intiron Juda. Manlapud Timplo na Katawan onagos so kolus a manalog ed Patar na Acacia.

Ezekiel 47:12

Diad nantopag a pandel na kolus ontubon amin iray klasiy kiew a maniter na tagano. Ag balut nalenes iray bolung da, tan ag iran balut ontondan mambunga. Binolan iran maniter na kapamborbor a bunga, lapud nasasalog ira na managagos a danum a manlalapud Timplo. Maniter na tagano iray may kakiewan, tan nikanan tambal na totoo iray bolung da.”

Jeremias 31:12

Ondago ra tan mankanta rad liket diad Palandey na Sion tan panliketan da ray rigalok— saray rigalon trigo, alak, tan larak na oliba, saray karniro tan saray baka. Magmaliw iran singa asalusalug a tanamanan, tan nawalaan ira na amin a nakaukolan da.

Jeremias 17:18

Ipelag mo pad kababaingan iray mamapairap ed siak, balet ipaliis mo ak pa, Katawan. Patakot mo pa ra, balet ag mo ak tataktakoten. Iyakar mo pad sikaray deral tan mekmek mo ra.

Isaias 41:19

Patuboen kod kalawakan iray sidro, akasia, mirto, tan saray oliba. Magmaliw a takel so dalin ya anggapoy tanaman, natuboan na saleng, sipris, tan olmo.

Kanta nen Solomon 6:11

Linma ak ed kakiewan ya almindra ta nengnengen kod patar iray malangwer a tanaman, saray balon bulong na ubas tan saray rosas da ray kiew a granada.

Saray Salmo 45:8

Say pabalingit a nanlapud mira tan aloe et mansamyung ed kawes mo; saray musiko paliliketen da kad saray palasion adikoraan na garing.

Genesis 13:10

Ninengneng sirin nen Lot so kaliber-liber tan abantag ton say patar na Jordan ya anggad Zoar et dakel so danum to, a singa Tanamanan na Katawan o singa dalin na Egipto. (Diad saman a panaon, ag ni dineral na Katawan so siudad na Sodoma tan say siudad na Gomorra.)

Saray Bilang 24:5

Mararakep iray tulda na Israel,