Saray Bilang 24:4 - Maung A Balita Biblia

⁴ A narerengel to so ibabaga na Dios, Alukbok ak lapud inloob na ispiritu ed siak, Balet siansian lokas iray matak tan anengneng ko So pasingayew na Dios a Makapanyarin-amin.

Maung a Balita Biblia

⁴ A narerengel to so ibabaga na Dios, Alukbok ak lapud inloob na ispiritu ed siak, Balet siansian lokas iray matak tan anengneng ko So pasingayew na Dios a Makapanyarin-amin.

Saray Bilang 24:4 Referans Kwoze

Puyan 1:17

Kanengneng kod sikato, singa ak inatey ya alokbub ed saliyan to. Balet intapew toy kawanan a lima tod siak tan inkuanto: “Ag ka natatakot! Siak so sankaonaan tan say sankasamputan.

Puyan 1:10

Aminsan ya agew na Katawan, niwala ak ed pakayari na Ispiritu tan nadngel kon nibeneg ko so maksil a bosis, a singa tanul na trumpita.

Ezekiel 1:28

tan walad sikatoy amin a kolor na bunlalakaw. Sikato yay mankidyam a liwawan mangipapanengneng na kiwawala na Katawan.

Saray Bilang 12:6

tan say Katawan kuanto, “Dengel yo natan so ibagak! No walad sikayo ray propita, ipaamtak ed sikara so siak a dili diad panamegley na saray pasingayew tan misalita ak ed sikara diad panamegley na saray kogip.

Saray Gawgawa 22:17

“Pinmawil ak ed Jerusalem. Nen wala ak ed dalem na Timplo a mampipikasi, walay payawar ed siak.

Saray Gawgawa 10:19

Momotekteken ni nen Pedro no antoy kabaliksan to may payawar nen inkuay Ispiritu ed sikato, “Wala ray taloran totoo a manaanap ed sika.

Saray Gawgawa 10:10

Asabiay eras diman, kanyan labay to lay mangan. Nen ipaparaan day kanen to, walay payawar ed sikato.

Saray Salmo 89:19

Diad sakey a payawar nen saman, imbagam ed saray matoor a managlingkur mo, “Tinulongan koy sakey a bantug a sondalo; inter koy trono ed pinilik ed saray totoo.

1 Samuel 19:24

Inekal toy kawes to tan nansasayaw-sayaw tan naneeyag-eyag ed arap nen Samuel, tan labus-lakseb a nandokul a sanagew tan sanlabi. (Sikato yay inggapo na balikas, “Nagmaliw ta met lan sakey a propita si Saul?”)

Saray Bilang 22:31

Insan say Katawan inabuloyan toy Balaam a nanengneng to may anghil a manalalagey a sankaegnaan toy sipada to; et intiblak nen Balaam ed dalin.

Saray Bilang 22:20

Diad saman a labi say Dios linmad kinen Balaam tan kuanto, “No sarayan lalaki et kerewen dan mila kad sikara, mamparaan kan mila, balet gawam labat so ibagak ed sika.”

Genesis 15:12

Nen onseselek lay agew, akaogip na malmalet si Abram, tan balbaleg a takot so sinmabid sikato.

Genesis 15:1

Kasumpal to yan inkagawa, walay pasingayew ed kinen Abram tan arengel ton inkuan na Katawan ed sikato, “Ag ka natatakot, Abram. Salimbengan ta kad kaatapan tan itdan ta kay baleg a tumang.”

Saray Bilang 24:5

Mararakep iray tulda na Israel,

Saray Bilang 24:15

Insan imbalikas to yan propisiya: “Say propisiya nen Balaam a lakin anak nen Beor, Saray salita na toon malinew so pakanengneng to,

1 Saray Arari 22:17

Inmebat si Micaya “Anengneng kon ataytayak ed saray pokdul iray totood Israel, a singa ra karniron anggapoy pumapastol da. Insan inkuan na Katawan, ‘Anggapoy pangulo da ra yan totoo; pasempet mo la ran walay kareenan.’”