Saray Bilang 23:7 - Maung A Balita Biblia

⁷ Imbalikas nen Balaam so sayan propisiya: “Manlapud Aram ed nibokig iran kapalandeyan Impaawit ak nen Balak ya ari na Moab. Inkuanto, ‘Gala, ta isalitaan mo ak, Isamban iray Israelita.’

Maung a Balita Biblia

⁷ Imbalikas nen Balaam so sayan propisiya: Manlapud Aram ed nibokig iran kapalandeyan Impaawit ak nen Balak ya ari na Moab. Inkuanto, Gala, ta isalitaan mo ak, Isamban iray Israelita.

Saray Bilang 23:7 Referans Kwoze

Deuteronomio 23:4

Ag da kayo initdan na kanen tan inomen nen mankukurang kayo a nanlapud Egipto, tan inupaan day Balaam a lakin anak nen Beor, tan taga siudad na Petor na Mesopotamia, ya isamba to kayo.

Saray Bilang 24:3

tan imbalikas to yan propisiya: “Say propisiya nen Balaam a lakin anak nen Beor, Saray salita na toon malinew so pakanengneng to,

Saray Bilang 23:18

et imbalikas nen Balaam yan propisiya: “Gala, Balak a lakin anak nen Zippor Ta dengel moy ibagak.

Mikias 2:4

No onsabiy tan a panaon, tongtongen na saray totoo a sakey ya alimbawa so inkaderal yo tan kantaen da yan kanta na ermen a nipaakar ed inkagawa yo: Sigput kamin aderal! Inala na Katawan so dalin mi Tan inter tod saray anakep ed sikami.”

Saray Salmo 78:2

Ikanak iray salitan manangiter na kakabatan, tan ipaliwawak iray mistirio nen saman,

Say Libro nen Job 29:1

Nansalita lamet si Job:

Saray Bilang 24:23

Imbalikas nen Balaam yan propisiya: “Siopa ra yay totoon mantitipon ed baybay?

Saray Bilang 24:15

Insan imbalikas to yan propisiya: “Say propisiya nen Balaam a lakin anak nen Beor, Saray salita na toon malinew so pakanengneng to,

Marcos 12:12

Sinali na saray manonan Judio ya erelen si Jesus lapud atebek dan nipaakar ed sikaray sasalitaen to ed sayan alimbawa. Balet antakot irad saray karaklan, kanyan pinaolyan da la tan tinmaynan la ra.

Mateo 13:33

Sinalita nen Jesus so sakey nin alimbawa: “Say Panariay tawen aliling toy libadura ya inkames na sakey a bii ed taloran sukat na arina, anggad inmalsa may intiro angikamesan to.”

Probirbio 26:2

Ag ka napasakitan na saray samba no ag mo ra kanepegan. Singa ra manok ed tagey ya ontitikyab balet ta ag ondapo.

Say Libro nen Job 27:1

Inmebat si Job:

2 Samuel 23:9

Say kumadwa ed sarayan taloran bantug et si Eleazar a lakin anak nen Dodo a kabyangay boleg nen Aho. Aminsan ya agew sinagyat dan dua nen David a milaban iray Filisteo a nantitipon a mibakal. Sinmoner iray Israelita,

Mateo 13:35

Ginawa to ya pian nasumpal so imbagay propita: “Iparalan kod saray alimbawa so pansalitak ed sikara; ibagak ed sikaray bengatlan ag ni naamtaan nanlapud inkapalsay mundo.”

Habacuc 2:6

Saray adakep a totoo elekan da ray anakep ed sikara tan ipanengneng day pambosul dad sikara. Ikuanda, “Aalaen yoy ag yo kayaryan, balet pakaskasiy kipapasen yo! Kapigay pangangga na pampapayaman yo diad pamapasoot yon mambayar iray akautang ed sikayo?”

Ezekiel 20:49

Balet inkuanko, “Katawan a Dios, ag mo pa ya pagagawa ed siak! Manririklamo lay balang sakey, lapud pansasalitak ed panamegley na saray alimbawa.”

Ezekiel 17:2

“Sika a toon ompatey,” kuanto, “salitam ed saray Israelita so sayan alimbawa

2 Samuel 21:21

Sinagyat ton milaban iray Israelita, et pinatey nen Jonatan a lakin anak nen Simea a lakin agi nen David.

1 Samuel 17:45

Inmebat si David, “Onla kan milaban ed siak a sankaawit moy ispada, doyuk, tan pika, balet onla ak ed sikan milaban diad ngaran na Katawan a Makapanyarin-amin, say Dios na saray sondalon Israelita a sinagyat mon milaban.

1 Samuel 17:36

Akapatey ak la na saray lion tan saray uso, tan pateyen ko met iman a Filisteo a manasagyat a milaban iray sondalo na mabilay a Dios.

1 Samuel 17:10

Sagyaten ko dia natan iray sondaloy Israel. Mamili kayoy sakey a milaban ed siak!”

Saray Bilang 24:21

Diad sayan nipasingayew ed kinen Balaam anengneng to ray Cineo, tan imbalikas to yan propisiya: “Arawid kaatapan so pasen a panaayaman yo, Ag kayo nasigensigen a singa obung na manok ed tagey na palandey,

Saray Bilang 22:17

Tumangan ta ka na baleg a kagalangan tan gawaen ko so amin ya ibagam. Gala dia kari tan isambam ira yan totoo para siak.”

Saray Bilang 22:11

a wala ray totoon nanlapud Egipto a kinmayat la ra ed intiron dalin. Papaisamba to rad siak a para sikato, pian nayarian to ran bakalen tan pataynanen.”

Genesis 28:7

Nalmoan ton inonur nen Jacob so ama tan ina to, tan linman tuad Mesopotamia.

Genesis 28:2

Mamparaan ka, ta lakad Mesopotamia, diad abung nen lakim a Betuel. Asawam so sakey ed saray bibiid man, say sakey ed saray anak nen pangamaen mo a Laban.

Genesis 10:22

Saray lalakin anak to sikara di Elam, Asur, Arpaksad, Lud, tan Aram.

Saray Bilang 23:6

Kanyan pinmawil si Balaam et asabian toy Balak a manalalagey ni ed abay na isasaklang ton bagat a popoolan tan kaiba to rad may amin a pangulo na Moab.

Saray Salmo 49:5

Ag ak antakot no panaon na kaatapan, no aliktub ak na saray kalaban ko,