Saray Bilang 23:14 - Maung A Balita Biblia

¹⁴ Intagar tod alog na Zofim diad toktok na Palandey na Pisga. Nanggawa met diman na pitoran altar, insan angibagat na sakey a bakan kalakyan tan sakey a karniron kalakyan ed kapag altar.

Maung a Balita Biblia

¹⁴ Intagar tod alog na Zofim diad toktok na Palandey na Pisga. Nanggawa met diman na pitoran altar, insan angibagat na sakey a bakan kalakyan tan sakey a karniron kalakyan ed kapag altar.

Saray Bilang 23:14 Referans Kwoze

Oseas 12:11

Balet siansian nagagalang ed Galaad iray talintaoy diriyos, et ompatey iray mangigagalang ed saray talintao. Nibagat ed Gilgal iray baka, et magmaliw iran bunton na saray bato diad saray maawang a kaalogan iray altar diman.”

Isaias 46:6

Lolokasan na saray totoo iray supot da insan da ikakalbo ray balituk da; isisimbang da ray pilak ed simbangan. Manguupa ray platiron manggawa na dios; insan da dadakmomoan tan gagalangen so sakey a dios.

Deuteronomio 34:1

Manlapud saray patar na Moab si Moises linmad Palandey na Nebo, tan kinmalab ed toktok na Palandey na Pisga a nibokig na Jerico, tan diman impanengneng ed sikato na Katawan so intiron dalin na Canaan: say dalin na Galaad ya anggad baybay diad baley na Dan;

Deuteronomio 4:49

Sakop to met so intiron dalin a bokig na Ilog na Jordan ya anggad Dayat ya Inatey diad abalaten tan say alusadsar na Palandey na Pisga diad bokig.

Deuteronomio 3:27

Lakad toktok na Palandey na Pisga ta bantag kad baybay, diad abalaten, diad bokig, tan diad sagur. Apiapiger mon imanoen so nabantag mo, ta ag kan balut makabaliw ed Ilog na Jordan.

Saray Bilang 23:29

Inkuanen Balaam ed kinen Balak, “Igawaan mo ak dia na pitoran altar tan iyakaran mo ak na pitoran bakan kalakyan tan pitoran karniron kalakyan.”

Saray Bilang 21:20

tan manlapud man inmalis ira ed patar a nasasakopan na saray Moabita, ya ososdongan na Palandey na Pisga, tan tantandagan toy kalawakan.

Saray Bilang 23:13

Insa inkuanen Balak ed kinen Balaam, “Mila kad siak ed sananey a pakabantagan mo na pigara labat ya Israelita. Manlapud man isambam ira para siak.”

Saray Bilang 23:15

Inkuanen Balaam ed kinen Balak, “Manalagey ka diad abay na isasaklang mon bagat a popoolan ta banaen koy Dios diman.”