Saray Bilang 21:20 - Maung A Balita Biblia

²⁰ tan manlapud man inmalis ira ed patar a nasasakopan na saray Moabita, ya ososdongan na Palandey na Pisga, tan tantandagan toy kalawakan.

Maung a Balita Biblia

²⁰ tan manlapud man inmalis ira ed patar a nasasakopan na saray Moabita, ya ososdongan na Palandey na Pisga, tan tantandagan toy kalawakan.

Saray Bilang 21:20 Referans Kwoze

Saray Bilang 23:28

Kanyan intagar toy Balaam ed toktok na Palandey na Peor a tantandagan toy kalawakan.

Deuteronomio 34:1

Manlapud saray patar na Moab si Moises linmad Palandey na Nebo, tan kinmalab ed toktok na Palandey na Pisga a nibokig na Jerico, tan diman impanengneng ed sikato na Katawan so intiron dalin na Canaan: say dalin na Galaad ya anggad baybay diad baley na Dan;

Deuteronomio 4:49

Sakop to met so intiron dalin a bokig na Ilog na Jordan ya anggad Dayat ya Inatey diad abalaten tan say alusadsar na Palandey na Pisga diad bokig.

Deuteronomio 3:27

Lakad toktok na Palandey na Pisga ta bantag kad baybay, diad abalaten, diad bokig, tan diad sagur. Apiapiger mon imanoen so nabantag mo, ta ag kan balut makabaliw ed Ilog na Jordan.

Deuteronomio 1:5

Nen saray totood Israel et wala rad bokig na Jordan a sakop na dalin na Moab, inggapo nen Moises ya impaliwawa iray ganggan tan saray bangat na Dios. Inkuanto,

Saray Bilang 26:63

Amin da ra yan boleg et inlista di Moises tan Eleazar nen inala ray bilang na saray Israelita diad saray patar na Moab diad nibaliw na Ilog na Jordan manlapud Jerico.

Saray Bilang 23:14

Intagar tod alog na Zofim diad toktok na Palandey na Pisga. Nanggawa met diman na pitoran altar, insan angibagat na sakey a bakan kalakyan tan sakey a karniron kalakyan ed kapag altar.

Saray Bilang 22:1

Inmalis iray Israelita tan nankampo ra ed saray patar na Moab diad bokig na Jordan tan kasumbaliwan na Jerico.

Saray Bilang 21:19

tan manlapud man linma ra ed Nahaliel, tan manlapud Nahaliel inmalis ira ed Bamot,

Saray Bilang 21:21

Insan saray totood Israel angibaki ra na pigaran totoo ed ari na saray Amorreo a si Sehon tan impaikuanda: