Saray Bilang 20:11 - Maung A Balita Biblia

¹¹ Insan inyatagey nen Moises imay baston tan pinekpek ton amidua imay baton dampay, et pinmaway so manwawan sobul na danum. Inmiinom iray amin a totoo tan amin ya ayayep.

Maung a Balita Biblia

¹¹ Insan inyatagey nen Moises imay baston tan pinekpek ton amidua imay baton-dampay, et pinmaway so manwawan sobul na danum. Inmiinom iray amin a totoo tan amin ya ayayep.

Saray Bilang 20:11 Referans Kwoze

1 CORINTO 10:4

inminom ira na namparan maispiritu ya iinomen. Inminom ira ed maispiritun bato ya angolup ed sikara, tan sayan baton-dampay et si Cristo.

Exodo 17:6

Manalagey ak ed arap mo diad tapew na sakey a baton-dampay ed palandey na Sinai. Pekpek mo so baton-dampay, et ompaway diman so danum ya inomen na saray totoo.” Ginawa nen Moises imay imbaga na Katawan diad arapan na saramay pangulo na Israel.

Deuteronomio 8:15

Inwanwan to kayon binmeltang ed samay maawang tan makapataktakot a kalawakan a kawalaan na saray nanditan oleg tan alakdan. Diad saman ya amaga tan anggapoy danum a dalin pinapaway tod baton dampay so danum a para sikayo.

Saray Bilang 20:8

“Alam imay baston a walad arap na Kaban na Sipanan, insan yo pantitiponen nen Aaron iray amin a totoo. Diad arap dan amin mansalita ka ed baton dampay a wadman, et ompaway diman so danum. Diad ontan napapaway mod samay baton dampay so danum ya inomen na saray totoo tan saray ayayep da.”

Santiago 1:20

Ta say pasnuk na too ag makatulong ed panumpal na matonung a getmay Dios.

Mateo 28:20

tan ibangat yo ran mangonur ed amin ya ingganggan kod sikayo. Tan tandaan yo! Siak, ibaan ta kayo lawas anggad pansamput na panaon.”

Oseas 13:5

Tinalima ta kayo nen wala kayod kalawakan ya anggapoy danum.

Saray Salmo 78:16

Pinapaway tod baton-dampay so sobul tan pinaagos ton singa ilog so danum.

1 Saray Awaran 15:13

Anggapo kayod man a mangawit nen inmona, kanyan say Katawan a Dios tayo dinusa to itayo lapud ag tayo inggalang onung na nepeg a pangigalang ed sikato.”

1 Samuel 15:24

“On, nankasalanan ak,” ebat nen Saul, “Ag ko inonur so ganggan na Katawan tan saray bilibilin mo. Antakot ak ed saray totook, kanyan ginawak iray labay da.

1 Saray Awaran 15:2

Insan inkuanto, “Saray Levita labat so nepeg a manawit na Kaban na Sipanan, ta sikara labat so pinili ton manawit ed saya tan manlingkur ed sikato diad ando lan ando.”

1 Samuel 15:19

Akin sirin et ag mo inonur? Akin et nanlulumbaan kayod saray asamsam yo, et lapud saya ginawa yoy maoges ed Katawan?”

Levitico 10:1

Di Nadab tan Abiu a lalakin anak nen Aaron inala ra so pananginay insinso na balang sakey ed sikara, kinargaan da ra na ngalab, tinapewan da ra na insinso, insan da ra inyapay ed Katawan. Balet aliwa yan masanton apoy, ta say Katawan ag to ra ingganggan ya iyapay da.

Saray Salmo 74:15

Pinapaagos mo ray sobul tan saray kolus; pinapaekat mo ray ankakabaleg ya ilog.

Saray Salmo 78:15

Pinasangi to ray baton-dampay diad kalawakan, tan initdan to ray daakan a danum a nanlapud dalem na dalin.

Saray Salmo 78:20

Tua a pinekpek to so baton-dampay, et tinmoroy mapmaples a danum; balet nayarian to itayo met kasin itdan na tinapay tan karni?”

Saray Salmo 105:41

Nilokasan toy sakey a baton-dampay, et tinmuroy danum; singa ilog ya inmagos ed kalawakan.

Saray Salmo 114:8

say Dios a gagawaen ton danum iray baton dampay, tan managos a sobul iray baton kalipkip.

Isaias 43:19

Talaranan yoy gawaen kon balo a bengatla. Nagagawa la—nanengneng yo la natan! Manggawa ak na dalan ed kalawakan tan itdan ta kayo na saray sobul diman.

Isaias 48:21

Nen inwanwan na Katawan ed kalawakan iray totoo to, ag da asaliy napgaan. Pinapaway ton para sikara so danum ed baton-dampay; nilengat toy baton-dampay, et inmagos so danum.

Saray Huis 15:19

Insan nilokasan na Dios so nibobun a dalin diman ed Lehi, et pinmaway dimay danum. Inminom si Samson tan binmiskeg lamet. Kanyan samay sobul atawag na Hakkore; wadman ni ya anggad natan.