Saray Bilang 19:8 - Maung A Balita Biblia

⁸ Samay toon amool ed baka et nepeg met ya ipesak toy kawes to tan kalboan toy laman to na danum, balet sikatoy siansian marotak ni onung ed ganggan ya anggad labi.

Maung a Balita Biblia

⁸ Samay toon amool ed baka et nepeg met ya ipesak toy kawes to tan kalboan toy laman to na danum, balet sikatoy siansian marotak ni onung ed ganggan ya anggad labi.

Saray Bilang 19:8 Referans Kwoze

Levitico 16:28

Say toon mamool ed saraya et nepeg ya ipesak toy kawes to tan manames kasakbayan ya ompawil ed kampo.

Saray Bilang 19:7

Kayari to ya, ipesak toy kawes to tan kalboan toy laman to na danum, insan nayarian to lay onloob ed kampo; balet siansian marotak ni onung ed ganggan ya anggad labi.

Saray Bilang 19:9

Say sakey a toon malinis onung ed ganggan et alaen toy dapul na samay baka, insan to iyan ed sakey a pasen a malinis onung ed ganggan diad paway na kampo, a diman nisinup ya ikana na saray Israelita diad pangiparaan dad danum a pangekal na inkarotak na sakey a too onung ed ganggan. Sayan sirimonya et gawaen a pangekal na kasalanan.

Levitico 17:15

Siopaman a too, Israelita man odino sangkaili, a mangan na karni na ayep ya inatey a bukor odino pinatey na ayep ed takel et nepeg ya ipesak toy kawes to, manames, tan manalagar ya anggad labi kasakbayan a magmaliw a malinis onung ed ganggan.

Saray Bilang 19:21

Sayan totontonen et mansiansia ya anggad arapen a panaon. Say toon mangiwalsik na danum a panaglinis nepeg met ya ipesak toy kawes to; siopamay maniwit na danum a panaglinis et siansian marotak ya anggad labi.