Saray Bilang 19:13 - Maung A Balita Biblia

¹³ Siopamay maniwit na bangkay tan ag to linisan so sikaton dili et siansian marotak onung ed ganggan, lapud ag asibuan so laman to na danum a panaglinis. Dotakan to so Tulda na Katawan, et ag la nibilang a sakey ed saray totoo na Dios.

Maung a Balita Biblia

¹³ Siopamay maniwit na bangkay tan ag to linisan so sikaton dili et siansian marotak onung ed ganggan, lapud ag asibuan so laman to na danum a panaglinis. Dotakan to so Tulda na Katawan, et ag la nibilang a sakey ed saray totoo na Dios.

Saray Bilang 19:13 Referans Kwoze

Levitico 15:31

Say Katawan imbaga tod kinen Moises a pasakbayan to ray totood Israel nipaakar ed inkarotak da, pian ag da nadotakan so Tulda a walad pegley na kampo. No dotakan da nepeg a pateyen ira.

Levitico 22:3

No say kabyangay boleg yo a marotak onung ed ganggan et onsingger ed saray masanton bagat ya insaklang ed siak na saray totood Israel, ag lan balut makapanglingkur ed altar. Sayan totontonen et mansiansia ed anggan kapigan a panaon. Siak so Katawan.

Levitico 7:20

balet no say toon marotak onung ed ganggan et mangan ed samay karni, sikatoy nipasen ya aliwa lan sakey ed saray totoo na Dios.

Puyan 22:15

Balet natilak ed paway na siudad iray marotak so panagbilay da, saray managanito, saray managkasalanan na inmoralidad, saray managpatey na too, saray manangigalang ed saray talintaoy diriyos, tan saray matitila diad salita tan gawa.

Puyan 22:11

Siopaman a maoges nepeg ya ituloy toy manggaway kaogsan, tan siopaman a marotak so panagbilay to, nepeg ya ituloy toy mambilay a marotak. Balet siopaman a maung nepeg ya ituloy toy manggaway kamaungan, tan siopaman a masanto nepeg ya ituloy toy kinasanto to.”

Puyan 21:8

Balet saray matakot, saray aliwan mananisia, saray marotak so panagbilay da, saray managpatey na too, saray managkasalanan na inmoralidad, saray managanito, saray manangigalang ed saray talintaoy diriyos, tan amin iray matitila—nibantak ira yan amin ed samay dayat a manliub ya apoy tan asupri, a sikatoy kumadwan patey.”

Saray Hebreo 10:29

Diad isisip yo, ag kasi lalon ambelat so dusay sakey a toon balawen toy Anak na Dios, murmuraen toy dala ya amabiskeg ed sipanan ya amasantod sikato, tan pabaingan toy mapangasin Ispiritu?

Juan 8:24

Kanyan imbagak ed sikayon ompatey kayod saray kasalanan yo. Talagan ompatey kayod saray kasalanan yo no ag yo sisiaen a ‘Siak si Siak’.”

Probirbio 14:32

Saray totoon maoges dederalen na saray dilin kaogsan da; balet saray totoon matonung iyaagel ira na dilin kamaungan da.

Saray Bilang 19:20

Siopamay nagmaliw a marotak onung ed ganggan tan ag to linisan so sikaton dili, siansian marotak onung ed ganggan, lapud ag asiboan so laman to na danum a panaglinis. Dotakan to so Tulda na Katawan tan ag la nibilang a sakey ed saray totoo na Dios.

Saray Bilang 19:18

Say sakey a toon malinis onung ed ganggan et mangalay sakey a sangay isopo, idelnet tod samay danum, insan iwalsik tod samay tulda, diad amin a walad dalem to tan amin da ray totoon wadman. Ontan met say sakey a toon malinis onung ed ganggan walsikan toy sakey a toon nandiwit na pokel na inatey odino nandiwit na bangkay odino lobuk.

Saray Bilang 19:9

Say sakey a toon malinis onung ed ganggan et alaen toy dapul na samay baka, insan to iyan ed sakey a pasen a malinis onung ed ganggan diad paway na kampo, a diman nisinup ya ikana na saray Israelita diad pangiparaan dad danum a pangekal na inkarotak na sakey a too onung ed ganggan. Sayan sirimonya et gawaen a pangekal na kasalanan.

Saray Bilang 15:30

Balet siopamay gagalaen toy mankasalanan, nianak man ya Israelita odino sakey a sangkaili, ludlureyen toy Katawan tan nepeg a pateyen,

Saray Bilang 8:7

onung ed onggendan a sirimonya: walsikan mo ra na danum a panaglinis, pakiskisan moy intiron laman da tan paipesak mod sikara so kawes da. Diad saya magmaliw iran malinis onung ed ganggan.

Levitico 20:3

No walad sikayoy mangiter ed Moloc na sakey ed saray anak to tan dotakan toy masanton Tuldak tan ipelag ton kababaingan so masanton ngaran ko, sumpaen ko tan ag ko la ibilang a sakey ed saray totook.

Levitico 5:17

No say sakey a too et ag to ginagalan asumlang so sakey ed saray ganggan na Katawan, nankasalanan tan nepeg a nadusa.

Levitico 5:6

tan say dusay kasalanan to et say pangibagat tod Katawan na sakey a kabatyan a karniro odino kanding. Say pari isaklang to so bagat a para kasalanan to yan too.

Levitico 5:3

No say sakey a too et ag to ginagalan adiwit so bengatlan marotak a nanlapud too, anggan anton bengatla, sikatoy nankasalanan diad bektan abirbir to so agawa to.

Saray Hebreo 9:10

Sarayan totontonen et nipaakar ira labat ed kakanen, iinomen, tan saray nandoroman panaglinis. Susumpalen ira labat nipaakar ed laman, tan walay kana ra labat anggad pangoman na Dios ed amin a bengatla.

Levitico 7:21

Ontan met, no say sakey a too et mangan ed karni na sayan bagat kayari ton diniwit so bengatlan marotak onung ed ganggan, manlapu man ed too odino ayep, nipasen ya aliwa lan sakey ed saray totoo na Dios.

Saray Bilang 19:14

Saya so ganggan no walay toon ompatey ed dalem na sakey a tulda: pitoy agew a marotak onung ed ganggan so siopaman a walad dalem na samay tulda tan siopaman ya onloob.

Saray Bilang 19:19

Diad kumatlon agew tan diad kumapiton agew say too a malinis onung ed ganggan et walsikan to na samay danum so toon marotak onung ed ganggan. Diad kumapiton agew say toon malinis linisan to may toon marotak. Diad mansironget magmaliw a malinis onung ed ganggan kayari ton impesak so kawes to tan kinalboan so laman to na danum.

Ezekiel 44:26

No magmaliw lamet a malinis onung ed ganggan, nepeg a manalagar ni na pitoran agew,

Exodo 30:33

Siopamay toon mangalig na inkagawa to odino mangikanad siopaman ya aliwan pari, sikatoy ag la nibilang a sakey ed saray totook.’”

Levitico 22:4

“Siopaman a kabyangay boleg nen Aaron, a walay sakit ton kating odino walay ompapaway ed kayaryan to, et ag nayarin mangan na antokaman a masanton bagat ya anggad malinis la onung ed ganggan. Say pari et marotak no diwiten toy antokaman a marotak onung ed ganggan lapud nidiwit ed bangkay, odino no nampaterak

Saray Bilang 9:13

Siopamay aliwan marotak onung ed ganggan tan ag mambiabiahi balet et ag to silibraan so Paskua, naekal lan kabyangan na saray totook, lapud ag to insaklang ed siak so bagat diad nigetar a panaon. Nepeg a nadusa lapud kasalanan to.