Saray Bilang 18:20 - Maung A Balita Biblia

²⁰ Say Katawan kuantod kinen Aaron, “Ag ka mangaawat na antokaman a kayaryan a nayarin tawiren, tan anggapoy nepeg ya ipabetang ed sikan parti na dalin. Siak a Katawan labat so nakaukolan mo.”

Maung a Balita Biblia

²⁰ Say Katawan kuantod kinen Aaron, Ag ka mangaawat na antokaman a kayaryan a nayarin tawiren, tan anggapoy nepeg ya ipabetang ed sikan parti na dalin. Siak a Katawan labat so nakaukolan mo.

Saray Bilang 18:20 Referans Kwoze

Ezekiel 44:28

“Say apag na saray papari ed saray inter kod Israel et say inkapari ra a tawiren na saray kailalakan ya onsabi. Ag ira nepeg a mangayaryan na antokaman ed Israel; siak labat so nakaukolan da.

Deuteronomio 10:9

Sikato yay makasengeg a say tribu nen Levi et ag ira angawat na parti na dalin ya aliwan singa saray arum a tribu; say inawat da et samay pankanawnawa ran manlingkur ed Katawan, onung na insipan na Katawan a Dios yo.)

Josue 13:33

Balet anggapoy dalin ya impabetang nen Moises ed tribu nen Levi. Imbaga tod sikara a say betang da et say apag da ed saray bagat ed Katawan a Dios na Israel.

Saray Tagleey 3:24

Say Katawan labat so walad siak, kanyan diad sikato so kawalaay ilalok.

Josue 14:3

Impabetang la nen Moises so dalin a nibokig na Jordan ed saray duara tan kapalduan tribu. (Saray kabyangay boleg nen Jose et nagmaliw a duaran tribu: Manases tan Efraim.) Balet si Moises ag to initdan na dalin iray Levita, likud labat ed saray siudad a panayaman da tan saray kaalogan a pampastolan dad saray baka tan saray karniro ra.

Deuteronomio 14:27

“Ag yo papaolyan iray Levitan manaayam ed saray baley yo; anggapoy kayaryan dan dili.

Deuteronomio 12:12

Manliket kayod man ed arap to, pati saray anak yo, saray aripen yo, tan saray Levitan manayam ed saray baley yo; nunot yo a saray Levita et anggapoy dilin dalin da.

Puyan 21:3

Arengel koy maksil a bosis a nanlapud trono tan inkuanto, “Natan, say abung na Dios wala lad pegley da ray katoowan! Miayam ed sikara, tan magmaliw iran totoo to. Nakaiba ra lawas so Dios, tan magmaliw a Dios da.

Saray Salmo 142:5

Katawan, onkekerew ak ed sika na tulong; sika, Katawan, so manangyagel ko; sika labat so nakaukolan kod sayan bilay.

Saray Salmo 16:5

Sika, Katawan, so amin a kayaryan ko, iiter moy amin a nakakaukolan ko; walad sanduan limam so bilay kod arapen.

Josue 18:7

Balet saray Levita ag ira itdan na betang da ed dalin lapud say betang da et say panlingkur dan papari na Katawan. Say tribu di Gad, Ruben, tan say kapalduay tribu nen Manases et naawat da la so dalin dad bokig na Jordan ya inter ed sikara nen Moises ya aripen na Katawan.”

Saray Salmo 73:26

Nayarin onkapoy so kanunotan tan laman ko, balet say Dios so biskeg ko; sikato labat so nakaukolan ko.

Deuteronomio 14:29

Para saray Levita yan kakanen, bangta anggapoy kayaryan dan dili; ontan met, sayan kakanen et para saray sangkaili, saray olila, tan saray balo a manaayam irad saray baley yo. Nepeg ya ondago ran mangalay nakaukolan da. Gawa yoy onya, et say Katawan a Dios yo bindisionan to kayo ed amin a gawaen yo.

Saray Bilang 26:62

Say bilang da ray lalakin Levita a mantaon na sakey bulan a mampaatagey et duamplo tan talon libo. Nibiig ed saray arum ya Israelita so angilistaan ed sikara, lapud ag ira naitdan na antokaman a kayaryan ed Israel.

Josue 13:14

Si Moises ag to initdan na dalin so tribu nen Levi. Onung na imbaga na Katawan ed kinen Moises, say betang na saray Levita et say apag da ed saray bagat a popoolan ed altar na Katawan a Dios na Israel.

Genesis 15:1

Kasumpal to yan inkagawa, walay pasingayew ed kinen Abram tan arengel ton inkuan na Katawan ed sikato, “Ag ka natatakot, Abram. Salimbengan ta kad kaatapan tan itdan ta kay baleg a tumang.”

Saray Bilang 18:7

Balet sika tan saray anak mo labat so manggawa na saray susumpalen na inkapari a nipaakar ed altar tan antokaman a walad dalem na Sankasantosan a Pasen. Sika so makaoley ed sarayan bengatla, ta sikay angipalaboan ko na inkapari. Pateyen so siopamay toon aliwan manepeg ya onsingger ed saray masanton bengatla.”